جامبىل وبلىسىنىڭ قورداي اۋدانىنداعى بىرقاتار اۋىلدارعا گاز كىرەتىن بولدى. بۇگىندە اۋدانداعى 22 ەلدىمەكەندى گازبەن قامتۋ ءۇشىن 11 ميلليارد تەڭگەگە جۋىق قاراجات قاراستىرىلعان, دەپ حابارلايدى Egemen.kz
اۋىلداردى گازبەن قامتۋ جۇمىستارى جىل سوڭىنا دەيىن اياقتالادى دەپ جوسپارلانعان. ال, تۇرعىنداردى اۋىزسۋمەن قامتۋ بويىنشا 6 ەلدىمەكەنگە 2,7 ميلليارد تەڭگە بولىنگەن. ەندى سۋ قۇبىرلارىنىڭ قۇرىلىسى اياقتالسا, جەرگىلىكتى حالىقتى ورتالىقتاندىرىلعان اۋىزسۋمەن قامتۋ ۇلەسى 78 پايىزعا جەتەدى.
سونداي-اق قورداي اۋدانىنىڭ اكىمى رۇستەم داۋلەتتىڭ ايتۋىنشا, اۋدانداعى قاقتىعىستان كەيىن قالپىنا كەلتىرۋ جۇمىستارى قارقىندى جۇرگىزىلۋدە. سونىمەن قاتار, زارداپ شەككەن وتباسىلارعا 40 ميلليون تەڭگەدەن استام ءتيىستى الەۋمەتتىك جانە ماتەريالدىق كومەكتەر كورسەتىلگەن. بۇگىنگى تاڭدا حالىقتى تۇرعىن ۇيمەن قامتاماسىز ەتۋ ماسەلەسى دە وتە وزەكتى بولعاندىقتان, اتالعان ماسەلەگە دە ءجىتى كوڭىل بولىنۋدە. جالپى, اۋدان بويىنشا 1524 ازامات ءۇي كەزەگىندە تۇر. ال, 5 قاباتتى 5 ءۇيدى جانە قاراكەمەر اۋىلىنداعى 2 پاتەرلى 10 ءۇيدى ىسكە قوسۋ ەسەبىنەن 310 پاتەر ەل يگىلىگىنە بەرىلەتىن بولادى.
"سونداي-اق باسپاناعا مۇقتاج از قامتىلعان جانە كوپبالالى وتباسىلاردى تۇرعىن ۇيمەن قامتاماسىز ەتۋ ماقساتىندا اسار جوباسى اياسىندا سالىنىپ جاتقان 15 ءۇيدىڭ ىشىۋندە 9 ءۇي تاپسىرىلدى. قالعان 6 ءۇي بيىلعى جەلتوقسان ايىنىڭ سوڭىندا تاپسىرىلادى", دەيدى رۇستەم داۋلەت.
بۇگىندە مەملەكەت قولداۋىنىڭ ناتيجەسىندە قورداي اۋدانىندا بارلىق سالادا ىلگەرىلەۋ بار. بيىل اۋداندا وندىرىلگەن ءونىم 118,9 ميلليارد تەڭگە بولىپ, ەكونوميكالىق ءوسىم 121,9 پايىزدى قۇرادى. ال اۋدانداعى قۇرىلىس-جوندەۋ جۇمىستارىنا قاتىستى 392 جوباعا 35,1 ميلليارد تەڭگە بولىنگەن. اتالعان جوبالاردى جۇزەگە اسىرۋدىڭ ناتيجەسىندە 4630 جۇمىس ورنى قۇرىلعان. بۇگىندە بارلىق جوبانىڭ 38 نىسانىندا جۇمىستار اياقتالىپ, 97 پايىزعا جەتكەن. سونىمەن بىرگە جەر تەلىمدەرىنە ينفراقۇرىلىم يگىلىكتەرىن ورناتۋ بويىنشا جالپى كولەمى 2,6 ميلليارد تەڭگەگە 7 جوبا ىسكە اسۋدا. ناتيجەسىندە اۋدان اكىمى رۇستەم داۋلەت اعىمداعى جىلدىڭ سوڭىنا دەيىن 1070 جەر تەلىمىن كەزەكتەگى ازاماتتارعا بەرۋگە مۇمكىندىك تۋاتىنىن جەتكىزدى.