ەلوردادا تەننيستەن جاسوسپىرىمدەر اراسىندا J3 Nur-Sultan Open دوداسى ءوز مارەسىنە جەتىپ, حالىقارالىق تەننيس فەدەراتسياسى مەن قازاقستان تەننيس فەدەراتسياسى بىرلەسە ۇيىمداستىرعان جارىستىڭ جەڭىمپازدارى انىقتالدى.
قىزدار اراسىنداعى جەكەلەي سىندا قازاقستان قۇراماسىنىڭ وكىلى تاتيانا نيكولەنكا توپ جاردى. فينالدا ول كوماندالاسى ارۋجان ساعىندىقوۆادان 6:4, 6:3 ەسەبىمەن باسىم ءتۇستى. ال ءجاسوسپىرىم ۇلدار اراسىندا رەسەيلىك ميحايل گوروحوۆ وتانداسى ماكسيم جۋكوۆپەن جارىستىڭ باس جۇلدەسىن ساراپقا سالدى. ناتيجەسىندە, قارسىلاسىنا قاراعاندا ەپتىلىك تانىتقان گوروحوۆ 6:1, 6:2 ەسەبىمەن جارىس جەڭىمپازى اتاندى.