ءبىلىم جانە عىلىم ءمينيسترى اسحات ايماعامبەتوۆ ۆەدومستۆونىڭ اپپاراتتىق وتىرىسىندا ەلىمىزدە بيوتەحنولوگيا عىلىمىن دامىتۋدا قانداي ماسەلەلەرگە نازار اۋدارىلۋى كەرەكتىگىن ايتىپ ءوتتى, دەپ حابارلايدى Egemen.kz
"بيوتەحنولوگيا باعىتى فارماتسەۆتيكالىق كەشەن بولسىن, فۋندامەنتالدى عىلىم بولسىن وتە ماڭىزدى بولىپ تۇر. اۋىل شارۋاشىلىعىن دامىتۋ ءۇشىن مەملەكەت باسشىسى ۇلكەن مىندەتتەردى ۇكىمەتكە جۇكتەدى. ءتيىستى مينيسترلىك بۇل جۇمىستى جۇرگىزۋدە. ءبىزدىڭ تاراپتان عىلىمي سۇيەمەلدەۋ قاجەت. كوپ ماسەلەنى تاجىريبەنى ەنگىزۋ كەرەك. كوممەرتسيالاندىرۋ بويىنشا دا ءالى دە كوپ جۇمىس اتقارىلۋى كەرەكتىگى كورىنىپ وتىر. "مۇنىڭ الدىندا ماتەريالدىق-تەحنيكالىق بازا جوق, ەشتەڭە جوق" دەگەن سىڭايداعى ماسەلە بولاتىن. قازىر مەملەكەت باسشىسىنىڭ قولداۋىنىڭ ارقاسىندا بيىل جانە كەلەسى جىلى عىلىمي ينستيتۋتتاردىڭ ماتەريالدىق-تەحنيكالىق بازاسىن نىعايتۋ ءۇشىن ميللياردتاعان اقشا بولىنەدى", دەدى اسحات ايماعامبەتوۆ.
مينيستر ياعني, بۇل ماقساتتا ينستيتۋتتارعا قاجەتتى ماتەريالداردى, قۇرال-جابدىقتاردى الۋعا مۇمكىندىك بولاتىنىن ايتادى.
"ارينە تاعىلىمدامادان وتكىزۋ بويىنشا دا جاقسى مۇمكىندىك پايدا بولدى. عىلىمي قىزمەتكەرلەردى تاعىلىمداماعا جىبەرىپ, باسقا دا مەملەكەتتەردىڭ زەرتحانالارىندا جۇمىس ىستەۋ مۇمكىندىگى جولعا قويىلىپ وتىر. جوو-لارمەن جۇمىس ىستەۋ وتە ماڭىزدى. بىرگە كادرلاردى دايارلاۋ كەرەك. وتە مىقتى عالىمدار بار. سول عالىمدار ءبىلىمىن تاراتىپ, ۋنيۆەرسيتەتتەردە ءدارىس بەرۋ – بارلىق ينستيتۋتتاردىڭ ماڭىزدى باعىتى بولۋى كەرەك دەپ سانايمىن. سوندىقتان وسى جۇمىستى قولعا الۋ كەرەك", دەدى ول.