ەڭبەك ادامدارى ماراپاتتالدى

بۇل تىزىمگە رەسپۋبليكا كولەمىندە وڭىرلەردە اۋىلشارۋاشىلىعى سالاسىندا ەڭبەك ەتىپ جاتقان ماماندار, قوي ءوسىرۋ ءىسىنىڭ ۇزدىكتەرى ىرىكتەلىپ الىنعان. ماراپاتتالعانداردىڭ قاتارىندا الماتى وبلىسىنان تاجيەۆ سوۆەتبەك, سايداحمەتوۆ قۋانىش, يكراموۆ داۋلەت سەكىلدى ەڭبەك ادامدارى بار.

شارادا ءسوز العان الماتى وبلىسى اكىمىنىڭ كەڭەسشىسى عالىمۇرات جۇكەلدىڭ ايتۋىنشا, شارۋا ادامدارى قوعامدا كەڭىرەك ناسيحاتتالىپ, ولاردى جاس بۋىن تانىپ ءوسۋى كەرەك.

شارانى ۇيىمداستىرۋشى, "Shopan ata" قازاقستان ۇلتتىق قوي وسىرۋشىلەر قاۋىمداستىعىنىڭ توراعاسى الماسبەك سادىرباەۆتىڭ ايتۋىنشا, شارۋا ادامدارىنىڭ, اسىرەسە شوپانداردىڭ ەڭبەگى ءالى دە بولسا كەڭ كولەمدە ناسيحاتتالىپ, سىي-قۇرمەت جالعاسا بەرۋى كەرەك:

"ەل ەكونوميكاسىنىڭ دامۋىنا شوپانداردىڭ قوسىپ وتىرعان ۇلەسى وراسان زور. سوندىقتان مۇنداي سىي-قۇرمەتتەر ءالى دە بولسا جالعاسىن تابۋى كەرەك. قازىر ەڭبەك ادامدارىن جاس بۋىنعا ناسيحاتتاۋ جۇمىستارى كوڭىل كونشىتپەيدى. بۇل رەتتە ءبىزدىڭ قاۋىمداستىق ءدال وسى شوپاندار مارتەبەسىن كوتەرۋدى ءارى قاراي جالعاستىرادى. بيىل وسى ىسكە ەلىمىزدىڭ اۋىلشارۋاشىلىعى مينيسترلىگى ەرەكشە قولداۋ كورسەتىپ وتىر", دەدى ا.سادىرباەۆ.

"Shopan ata" قاۋىمداستىعى ەڭبەك ادامدارىن ماراتتاۋ جۇمىستارىن جەلتوقسان ايىنىڭ اياعىنا دەيىن, بارلىق ساقتىق شارالارىن ساقتاي وتىرىپ, وزگە دە وبلىس ورتالىقتارىندا جالعاستىرۋدى كوزدەپ وتىر. اتاپ ايتساق, شارا الماتى, شىمكەنت, نۇر-سۇلتان, تاراز, تۇركىستان, اقتوبە, قىزىلوردا, وسكەمەن, قوستاناي, قاراعاندى قالالارىن قامتيدى دەپ كۇتىلىپ وتىر.