قازاقستان رەسپۋبليكاسىنىڭ تۇڭعىش پرەزيدەنتى كۇنىنە وراي توعىزقۇمالاقتان رەسپۋبليكالىق ونلاين-تۋرنير ءوتىپ, ۇزدىكتەر انىقتالدى.
ءبىر كۇنگە سوزىلعان باسەكەدە جارىسقا قاتىسۋشىلار www.playok.com سايتىنىڭ توعىزقۇمالاق الاڭىندا جولىعىپ, نۇر-سۇلتان قالاسىنىڭ ۋاقىتى بويىنشا 17:00-21:00 ارالىعىندا باق سىنادى. جارىسقا قازاقستاننىڭ 17 ايماعىنان 375 سپورتشى قاتىستى. 11 تۋردا جارىسقا قاتىسۋشىلار كىم مىقتىنى انىقتادى.
تارتىستى وتكەن باسەكەنىڭ قورىتىندىسى بويىنشا 1-ورىندى رينات كەرەيباەۆ (پاۆلودار وبلىسى) يەلەنسە, 2-ورىنعا الماتى قالاسىنان راحات ايتباەۆ لايىقتى بولدى. 3-ورىندى قوستانايلىق ارمان كاكاشوۆ پەن اقتوبە وبلىسىنىڭ وكىلى مەدەت حۋساينوۆ ءوزارا ءبولىستى.