اۋىر اتلەتيكادان ونلاين تۇردە ۇيىمداستىرىلعان قازاقستان چەمپيوناتى مارەسىنە جەتىپ, بارلىق سالماقتىڭ جەڭىمپازدارى مەن جۇلدەگەرلەرى بەلگىلى بولدى.
ەل چەمپيوناتىنىڭ سوڭعى جارىس كۇنىندە 102, 109 جانە 109 كيلودان جوعارى سالماقتاعى ەرلەر باق سىنادى. 102 كيلودا قاراعاندىلىق ارتەم انتروپوۆ قوس سايىستا 373 (157+216) كيلو سالماقتى ەڭسەرىپ, جارىس جەڭىمپازى اتاندى. سونداي-اق ول سەرپە كوتەرۋدە قازاقستان رەكوردىن جاڭارتتى. بۇرىن بۇل جاتتىعۋ بويىنشا ەڭ ۇزدىك كورسەتكىش يليا يلينگە تيەسىلى بولاتىن. ال ەكىنشى ورىندى جۋىردا عانا پەرۋدە وتكەن جاستار اراسىنداعى ونلاين الەم كۋبوگىندا توپ جارعان قىزىلوردالىق راحات بەكبولات يەلەندى. ول 305 (135+170) كيلو زىلتەمىردى باعىندىردى. ۇزدىك ۇشتىكتى 275 كيلو كوتەرگەن تاعى ءبىر قاراعاندىلىق سپورتشى الەكسەي ليتوۆچەنكو (115+142) تۇيىندەدى.
سونداي-اق 109 كيلودا انداس سامارقانوۆ (الماتى وبلىسى), +109 كيلودا يبراگيم بەرسانوۆ (شىمكەنت) قازاقستان چەمپيونى اتاندى. ەرلەر اراسىنداعى جالپىكوماندالىق ەسەپتە قاراعاندى, الماتى جانە قىزىلوردا وبلىستارى ۇزدىك ۇشتىككە ەندى. ايەلدەر اراسىندا الماتى وبلىسى كوش باستاسا, قىزىلوردا جانە شىعىس قازاقستان وبلىستارى تيىسىنشە ەكىنشى, ءۇشىنشى ورىندارعا يە بولدى.