مانەرلەپ سىرعاناۋدان 2021 جىلى ستوكگولمدە وتەتىن الەم چەمپيوناتى بوس تريبۋنالاردا وتپەك. ۇيىمداستىرۋشىلار پاندەمياعا بايلانىستى وسىنداي جوسپار قۇرىپ جاتىر, دەپ حابارلادى ۇوك ءباسپاسوز قىزمەتى.
«قازىرگى تاڭدا ءبىز ISU-مەن تىعىز جۇمىس ىستەپ, قاۋىپسىزدىك شارالارىن تالقىلاپ جاتىرمىز. بۇگىندە ISU گران-پري كەزەڭدەرىن وتكىزۋدە. ونىڭ ۇستىنە, الەم چەمپيوناتىنان بۇرىن زاگرەبتە ەۋروپا بىرىنشىلىگى ۇيىمداستىرىلادى. سوندىقتان بىزگە جاھاندىق دودانى وتكىزەر كەزدە ءبىراز كومەك بولارى انىق. جانكۇيەرلەردىڭ قاۋىپسىزدىگىن ويلاپ, سپورت كەشەنىنە كورەرمەندەردى كىرگىزبەۋ تۋرالى ماسەلەنى تالقىلاپ جاتىرمىز», دەيدى الەم بىرىنشىلىگىن ۇيىمداستىرۋشىلار.
ايتا كەتەيىك, مانەرلەپ سىرعاناۋدان الەم چەمپيوناتى 2021 جىلدىڭ 22-28 ناۋرىزىنا جوسپارلانعان.