Sulpak عيماراتىنىڭ الدىندا كەسىلگەن ەمەندەر قازاقستاننىڭ قىزىل كىتابىنا ەنگەن. بۇل تۋرالى الماتى قالالىق جاسىل ەكونوميكا باسقارماسىنىڭ باسشىسى ناتاليا ليۆينسكايا مالىمدەدى, - دەپ حابارلايدى Egemen.kz
"باسقارما ەمەن ءتۇرىنىڭ قۇرامى مەن كەلتىرىلگەن زياندى انىقتاۋ ءۇشىن بوتانيكالىق باق پەن ىلە-الاتاۋ ۇلتتىق پاركىنە ساۋال جولدادى. ساراپشىلار كەسىلگەن اعاشتار قازاقستاننىڭ قىزىل كىتابىنا ەنگەنىن انىقتادى. ول جوعالۋ قاۋپىندە تۇرعان سيرەك كەزدەسەتىن ءتۇر", - دەدى ناتاليا ليۆينسكايا.
باسقارما باسشىسى ۆەدومستۆوعا كاسىپكەرلەر تاراپىنان اعاش كەسۋگە ءوتىنىش تۇسپەگەنىن اتاپ ءوتتى.
"جەكسەنبىدە ءبىز وقيعا ورنىنا باردىق. ەكى جەكە كاسىپكەرگە ايىپپۇل سالىندى. بۇعان ولاردىڭ اعاشتاردى كەسكەنى جانە اباتتاندىرۋ ەرەجەلەرىن ساقتاماعانى سەبەپ بولدى. ءبىز Sulpak قوجايىنىنىڭ وتەماقى رەتىندە اعاشتار وتىرعىزۋىن تالاپ ەتەمىز", - دەدى ناتاليا ليۆينسكايا.