مەملەكەت باسشىسى نۇرسۇلتان نازارباەۆ ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
مەملەكەت باسشىسى نۇرسۇلتان نازارباەۆ ەكونوميكا جانە بيۋدجەتتىك جوسپارلاۋ ءمينيسترى ەربولات دوساەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
ە.دوساەۆ مينيسترلىكتىڭ بيىلعى 10 ايداعى قىزمەتى قورىتىندىلارى جانە مەملەكەت باسشىسىنىڭ ۇكىمەتتىڭ كەڭەيتىلگەن وتىرىسىندا بەرگەن تاپسىرمالارىنىڭ ورىندالۋ بارىسى تۋرالى باياندادى. ول اتالعان كەزەڭدە ەلىمىزدىڭ ىشكى جالپى ءونىمىنىڭ ءوسىمى 5,8% بولعانىن, ال جىل قورىتىندىسىندا بولجامدى 6%-دىق كورسەتكىشكە قول جەتكىزۋ كۇتىلىپ وتىرعانىن اتاپ ءوتتى.
قازاقستان پرەزيدەنتى ەل ەكونوميكاسىن ودان ءارى دامىتۋدى قامتاماسىز ەتۋ, الەۋمەتتىك جاڭعىرتۋ جۇرگىزۋ, سونداي-اق, شاعىن جانە ورتا بيزنەسكە قولداۋ كورسەتۋ قاجەتتىگىن اتاپ كورسەتتى.
مينيستر مەملەكەتتىك جانە سالالىق باعدارلامالارعا, ولاردىڭ قايتالانۋىن جويۋعا جانە تيىمدىلىگىن ارتتىرۋعا باعىتتالعان تەكسەرىستى اياقتاۋ قورىتىندىلارى جونىندە ۆەدومستۆو جوسپارلاعان شارالار تۋرالى دا ايتتى.
كەزدەسۋ قورىتىندىسىندا مەملەكەت باسشىسى قارالعان ماسەلەلەرگە قاتىستى بىرقاتار ناقتى تاپسىرمالار بەردى.
سۋرەتتەردى تۇسىرگەندەر
س.بوندارەنكو, ب.وتارباەۆ.