ءۇشىنشى ورىننان ءۇش كوماندا ءۇمىتتى

تۋردىڭ العاشقى ويىنى «استانا» مەن «شاحتەر» اراسىندا ءوتتى. «توبىلمەن» بىرگە كۇمىس جۇلدەگە تالاسىپ جاتقان ەلوردالىقتار كۇتپەگەن جەردەن «كەنشىلەردەن» 3:1 ەسەبىمەن وڭباي جەڭىلىپ, كۇمىس جۇلدە ءۇشىن كۇرەستەن شىعىپ قالدى. ال ماڭىزدى جەڭىسىنە قول جەتكىزگەن «شاحتەر» فۋتبولشىلارى قولا جۇلدە ءۇشىن كۇرەسكە قوسىلدى. كەزدەسۋدىڭ 6-مينۋتىندا قاراعاندىلىقتاردان رۋسلان مينگازوۆ ەسەپتى اشسا, 24-مينۋتتا سەرگەي زەنيوۆ تابلوداعى كورسەتكىشتى ەسەلەي ءتۇستى. ەكىنشى تايمنىڭ سوڭىندا ەركىن تاپالوۆ «شاحتەردىڭ» ءۇشىنشى گولىن سالسا, تورەشى قوسقان قوسىمشا مينۋتتا ديدار جالمۇقان «استانانىڭ» جالعىز جاۋاپ گولىن سوقتى.

«قايسارمەن» ويناعان «وردا­با­سى» دا قولدا تۇرعان ءۇش ۇپايى­نان ايىرىلىپ قالدى. كوماندالار ءبىرىنشى تايمدا ءبىر-ءبىرى­نىڭ قاقپاسىنا گول سوعا الماعانىمەن, ەكىنشى تايمدا «قاس­قىر­لار» شىمكەنت كلۋبى­نىڭ قاقپا­سىنا جاۋاپسىز ءۇش گول سوقتى. 51-مينۋتتا يۆان گراف ەسەپ اشسا, 69 جانە 75-مينۋتتاردا كو­ماندا كاپيتانى اسحات تاعى­بەرگەن ءدۋبلدىڭ اۆتورى اتاندى. ايتا كەتەيىك, «قايسار» كلۋبى­نىڭ بىرنەشە فۋتبولشىسى كلۋبپەن كەلىسىمشارتىنىڭ اياقتالۋىنا بايلانىستى كوماندادان كەتىپ قالعان بولاتىن.

بۇل تۋردا «جەتىسۋدان» 1:0 ەسە­بىمەن باسىم تۇسكەن «تاراز» كەزەك­تى جەڭىسىنە قول جەتكىزىپ, تۋرنير كەستەسىندەگى جاعدايىن تۇزەپ الدى. ال «قايراتتى» 3:2 ەسەبىمەن تىزە بۇكتىرگەن «قىزىلجار» فۋتبولشىلارى تۋردىڭ سەنساتسياسىن تىركەدى. ماتچ بارىسىندا «قايرات» فۋتبولشىلارى ۇستەمدىك تانىتقانىمەن, ەكى تايمدا دا ءبىر فۋتبولشىدان قىزىل قاعاز الىپ الاڭنان قۋىلدى. ءسويتىپ كەزدەسۋدىڭ سوڭعى مينۋتىندا گول وتكىزىپ الدى.

تۋرنير كەستەسىنىڭ سوڭىندا كەلە جاتقان «وقجەتپەس» پەن «كاس­پي» ءوزارا مىقتىنى انىق­تادى. 2:1 ەسەبىمەن جەڭىسكە جەتكەن اقتاۋلىقتار 14 ۇپايمەن 10-ورىن­عا كوتەرىلىپ الدى. ال كوك­شەتاۋلىقتار 11 ۇپايمەن كوش سوڭىندا قالىپ قويدى.

سۇرمەرگەندەر اراسىنداعى با­سەكەدە جواو پاۋلو («ورداباسى») 11 گولمەن ءبىرىنشى ورىندا تۇر. ال برازيليالىقتىڭ سوڭىنان ابات ايىمبەتوۆ («قايرات») قۋىپ كەلەدى. ونىڭ ەنشىسىندە 10 گول بار. بيىلعى ماۋسىمدا 8 گول سوققان «قايساردىڭ» گرۋزيالىق شابۋىلشىسى ەلگۋدجا لوبجانيدزە ۇزدىك ۇشتىكتى تۇيىندەپ تۇر.