شۆەتسيانىڭ باتىسىندا ورنالاسقان يدرە قالاسىندا فريستايلدان FIS Open ءتۋرنيرى ءوتىپ جاتىر, دەپ حابارلايدى Egemen.kz.
وسى جارىستا موگۋلدان ونەر كورسەتكەن دميتري رەيحەرد قولا مەدالدى يەلەندى. 31 جاستاعى شىعىس قازاقستان وبلىسىنىڭ تۋماسى تەك فرانتسيانىڭ قوس مىقتىسى – مارتين سيۋرە (فرانتسيا) مەن بەنجامين كاۆەدەن (فرانتسيا) عانا قالىپ قويدى. قازاقستاننىڭ تاعى ءبىر وكىلى, 24 جاستاعى پاۆەل كولماكوۆ 13-ورىندا قالىپ قويدى.
ايەلدەر اراسىنداعى جارىستا دا باس جۇلدە فرانتسيانىڭ وكىلىنە بۇيىردى. بۇل باسەكەدە پەررين لاففوننىڭ باعى جانسا, امەريكالىق تەسس دجونسون مەن جاپونيالىق يۋكي كادزيۆارا كۇمىس پەن قولا مەدالدى ءوزارا ءبولىستى. جەرلەستەرىمىزدىڭ اراسىنان ەڭ ۇزدىك ناتيجەگە اناستاسيا گورودكو قول جەتكىزدى. ول بەسىنشى ورىندى ەنشىلەدى.