ەركىن كۇرەستەن الماتىداعى "دوستىق" سپورت كەشەنىندە ءوتىپ جاتقان قازاقستان چەمپيوناتىندا بۇگىن 65 كيلو سالماق دارەجەسىنىڭ جەڭىمپازدارى مەن جۇلدەگەرلەرى انىقتالدى, دەپ حابارلايدى Egemen.kz.
65 كيلو سالماق دارەجەسىندەگى بالۋاندار اراسىنداعى بەلدەسۋلەر وتە شيەلەنىستى ءوتتى. كىلەڭ كوكجالدار اراسىنان قىزىلوردالىق داۋلەت نيازبەكوۆ پەن قاراعاندىلىق ءادىل وسپانوۆ سۋىرىلىپ شىقتى. بۇل باسەكەدە سىر بويى ساڭلاعىنىڭ جەڭەتىنىنە ەشكىمنىڭ كۇمانى بولمادى. ويتكەنى, داۋلەتتىڭ الەم چەمپيوناتىنىڭ كۇمىس جانە قولا جۇلدەگەرى, ازيانىڭ ءۇش دۇركىن چەمپيونى دەگەن اتاقتارى بار. ءادىل ونداي جەتىستىگىمەن ماقتانا المايدى.
ايتقانداي-اق, فينالدىق سايىس نيازبەكوۆتىڭ ايقىن باسىمدىعىن اياقتالدى. ەسەپ – 9:0. جامبىلدىق نۇرسۇلتان سادىق پەن شىعىسقازاقستاندىق ولجاس ولجاقانوۆ ءۇشىنشى ساتىعا جايعاستى.