نۇر-سۇلتاندا 2020 جىلى جاريالانعان جەكە تۇلعالارعا ارنالعان سالىق امنيستياسىنىڭ العاشقى ناتيجەلەرى بەلگىلى بولدى. «ينستاگرامداعى» اكىمدىكتىڭ رەسمي پاراقشاسىندا وتكەن تىكەلەي ەفيردە ەلوردا مەملەكەتتىك كىرىستەر دەپارتامەنتى وندىرىستىك تولەمدەر باسقارماسى باسشىسى ەرلان باكيروۆ بۇگىندە جالپى سوماسى 49 ميلليون تەڭگەگە 16 مىڭ سالىق تولەۋشى ايىپپۇل تولەۋدەن بوساتىلعانىن ايتتى.
«بۇگىنگى تاڭدا نۇر-سۇلتان قالاسى بويىنشا راقىمشىلىق باستالعاننان بەرى 1,1 ملرد تەڭگەگە جۋىق جەكە مەنشىككە سالىق سوماسى بار, وندا ءوسىمپۇل سوماسى 447 ملن تەڭگەگە تەڭ. قازىرگى ۋاقىتتا ءوسىمپۇل 16 مىڭ سالىق تولەۋشىگە 49 ملن تەڭگەگە ەسەپتەن شىعارىلدى», - دەدى ەرلان باكيروۆ.
سپيكەر ەسەپتەن شىعارۋ تەك نەگىزگى سالىق تولىق تولەنگەن جاعدايدا عانا جۇزەگە اسىرىلاتىنىن اتاپ ءوتتى. اتاپ ايتقاندا, راقىمشىلىق جەرگىلىكتى م ۇلىك سالىعىنا قاتىستى - جەر سالىعى, م ۇلىك سالىعى, كولىك قۇرالدارى سالىعى.
«قازاقستان رەسپۋبليكاسى قارجى ءمينيسترىنىڭ 2020 جىلعى 13 تامىزداعى بۇيرىعىنا سايكەس, 2020 جىلدىڭ 1 قاڭتارىنا دەيىن ەسەپتەلگەن 2019 جىلعى سالىقتى (جەر جانە م ۇلىك) قوسپاعاندا, 2020 جىلعى 1 ساۋىردەگى جاعداي بويىنشا قارىز بويىنشا ءوسىمپۇلدار ەسەپتەن شىعارىلادى», - دەدى باسقارما باسشىسى.
ول سونىمەن قاتار ءوسىمپۇلدى ەسەپتەن شىعارۋ 2021 جىلدىڭ 5 قاڭتارىنا دەيىن جۇرگىزىلەتىنىن اتاپ ءوتتى. راقىمشىلىق مەرزىمى اياقتالعاننان كەيىن سالىق بەرەشەگى بار سالىق تولەۋشىلەرگە ءوندىرىپ الۋ شارالارى قولدانىلادى.
تىكەلەي ەفيردىڭ تولىق نۇسقاسىمەن ەلوردا اكىمدىگىنىڭ ينستاگرامداعى رەسمي پاراقشاسىندا مىنا سىلتەمە بويىنشا تانىسۋعا بولادى.