«قازاقمىس» مۇلكىن ۇرلاعاندار سوتتالدى

«قازاقمىس» مىس بالقىتۋ زاۋىتىنان مىس پەن كۇمىس ۇرلاعان قىلمىستىق توپ جازاسىن الدى. بۇل تۋرالى «24 kz» حابارلادى.

ۇرىلاردىڭ تورتەۋى سول كاسىپورىننىڭ قىزمەتكەرلەرى بولىپ شىقتى. قىلمىستىق توپتىڭ قۇرامىندا جوندەۋشى سلەسار مەن باسقا جەردەن كەلگەن ەكى ادام بار. ولار زاۋىتتان 15 ملن.تەڭگە تۇراتىن 50 توننا مىس كونتسەنتراتىن ۇرلاعان ەكەن. ال كەلەسى زاۋىتتىڭ ءۇش ازاماتى قۇنى 85 ملن. تەڭگەلىك 24 كۇمىس كەسەگىن ۇرلاماق بولعان. وسى اركەتتەرى ءۇشىن ولار جاۋاپقا تارتىلدى. «قىلمىس جاساعان ۇشەۋدىڭ مۇلكى تاركىلەنىپ, 5 جىل 3 ايعا باس بوستاندىعىنان ايىرۋ جازاسى تاعايىندالدى. قالعاندارىنىڭ دا مۇلكى تاركىلەنىپ, 6 جىلعا باس بوستاندىعىنان ايرىلدى. ولار جازالارىن جالپى تارتىپتەگى تۇزەۋ كولونياسىندا وتەيتىن بولادى»,-دەيدى قاراعاندى وبلىستىق سوتىنىڭ باق جانە قوعاممەن بايلانىس بويىنشا ۇيلەستىرۋشىسى راۋشان سەرعازينا.

باقىتبەك كەنەش ۇلى.

دەرەككوز: «24 kz»