اعىمداعى جىلدىڭ قاراشاسىندا «قتج» ۇك» اق مەن «Dostyk Transportation & Logistics» جشس اراسىندا دوستىق ستانتسياسىندا تەرمينال سالۋ بويىنشا ىنتىماقتاستىق تۋرالى كەلىسىمگە قول قويىلدى, دەپ حابارلايدى Egemen.kz.
بۇل «قتج» ۇك» اق تەرمينالدار سالۋ بويىنشا دوستىق ستانتسياسىن دامىتۋ شەڭبەرىندەگى ءتورتىنشى جوباسى.
تەرمينالدى 2022 جىلى ىسكە قوسۋ جوسپارلانسا, وندا 1 ملن. توننادان استام ۇيەلمەلى جۇكتەردى وڭدەۋ مەن 100 مىڭ كونتەينەرگە دەيىن اۋىستىرىپ تيەۋ قۋاتى قۇرىلاتىن بولادى. تەرمينال قۇرىلىسى ۋچاسكەسىنىڭ جالپى الاڭى 8,5 گا.
كەلىسىمگە قول قويۋ اسىرەسە كونتەينەرلىك تاسىمالدىڭ قارقىندى دامىعان جاعدايىندا دوستىق ستانتسياسى ارقىلى كولىكتىك باعىتتىڭ باسەكەگە قابىلەتتىگىن ارتتىرۋعا ىقپال ەتەتىن بولادى.