وسىدان ءدال ءۇش جىل بۇرىن, ياعني 2017 جىلدىڭ 18 قاراشاسىندا الەمدەگى ەڭ ايگىلى اۋىر اتلەت, تۇركيانىڭ ماقتانىشى نايم سۇلەيمانوعلى قايتىس بولعان ەدى.
ءاۋ باستا اتى-ءجونى ناۋم شالامانوۆ بولعان ايتۋلى سپورتشى بولگاريادا تۋىپ-ءوستى. بىرەر جىل سول ەلدىڭ نامىسىن قورعاپ, كوپتەگەن تابىسقا قول جەتكىزدى. كەيىننەن تۇركياعا قونىس اۋداردى. انادولى ەلىندە دە ول بيىك بەلەستەردى باعىندىردى. اتاپ ايتساق 1983-2000 جىلدار ارالىعىندا وليمپيادانىڭ ءۇش, الەمنىڭ جەتى جانە ەۋروپانىڭ بەس دۇركىن چەمپيونى اتاندى. الەم كۋبوگىن ءۇش مارتە ولجالادى. الەمدىك رەكوردتى 46 رەت جاڭارتتى. كۇنى بۇگىنگە دەيىن جەر بەتىندە اتاق-داڭقى جاعىنان سۇلەيمانوعلىنىڭ الدىن ورايتىن بىردە-ءبىر اۋىر اتلەت جوق. ول ايگىلى باپكەر ەنۆەر تۇركەلەريدىڭ قولاستىندا جاتتىقتى.
ۇلكەن سپورتتان قول ۇزگەننەن كەيىن ول باۋىر اۋرۋىنا شالدىقتى. ۇزاق ۋاقىت ەمدەلدى. بىراق دەندەگەن دەرت جازىلمادى. اقىرى نايم سۇلەيمانوعلى 50 جاسىندا جارىق دۇنيەمەن قوش ايتىستى.