ەلىمىزدە تىركەلەتىن جول-كولىك وقيعالارىنىڭ باسىم كوپشىلىگى قاراۋسىز جۇرگەن ءتورت ت ۇلىكتىڭ سالدارىنان بولادى. قۇقىق قورعاۋ ورگاندارى وسى ماسەلە تۋرالى جۇرتشىلىقتى قۇلاقتاندىرۋداي-اق قۇلاقتاندىرىپ جاتقانىمەن, وقىس وقيعالار سانى ازايماي تۇر. ماسەلەن, جۋىردا كولىك پوليتسەيلەرى 8 جىلقىنىڭ يەسىن انىقتاپ, ونى تەمىر جول بويىندا مال جايعانى ءۇشىن اكىمشىلىك جاۋاپكەرشىلىككە تارتتى.
وقيعا بىلاي بولىپتى. وسى جىلى 11 قاراشادا ساعات 22.35-تە ورال ستانساسىنداعى جەلىلىك پوليتسيا بولىمىنە «پەپەل» رازەزىندە جۇك پويىزىنىڭ ءماشينيسى تەمىر جول ۇستىندە جايىلىپ جۇرگەن ءتورت ت ۇلىكتى بايقاپ, پويىزدى شۇعىل تەجەمەك بولادى. سوعان قاراماستان, 8 باس جىلقى جۇك پويىزىنىڭ استىندا قالىپتى.
بۇل جايتتى «اتالعان فاكتى بويىنشا وقيعا ورنىنا ورال ستانساسىنداعى جەلىلىك پوليتسيا ءبولىمىن جەدەل-تەرگەۋ توبى شىقتى. دەرەۋ شارا قولدانىلىپ, ناتيجەسىندە ءۇي جانۋارلارىنىڭ يەسى انىقتالدى. ول – باتىس قازاقستان وبلىسىنىڭ تۇرعىنى بولىپ شىقتى. 43 جاستاعى قۇقىق بۇزۋشى ايەلگە اكىمشىلىك قۇقىق بۇزۋشىلىق تۋرالى كودەكستىڭ 559-بابىنىڭ 1-بولىگى, ياعني تەمiر جول ارقىلى ات-اربا كولىگىمەن (شانالارمەن) ءوتۋ جانە جۇك ارتىلعان, ءمىنىس مالدى جانە تابىندى ايداپ ءوتۋ, تەمiر جولداردىڭ بولىنگەن جولاعىندا مال جايۋ قاعيدالارىن بۇزۋ فاكتىسى بويىنشا 5 ايلىق ەسەپتىك كورسەتكىش مولشەرىندە اكىمشىلىك ايىپپۇل سالىندى», دەپ راستاپ وتىر كولىكتەگى پوليتسيا دەپارتامەنتى اكىمشىلىك پوليتسيا باسقارماسىنىڭ باستىعى جاسۇلان بايكەنوۆ.
پوليتسيا پودپولكوۆنيگىنىڭ ايتۋىنشا, جىل باسىنان بەرى تەمىر جول ۇستىندە قاراۋسىز جۇرگەن ءتورت ت ۇلىكتىڭ كەسىرىنەن پويىزداردا شۇعىل تەجەۋدىڭ 1628 فاكتىسى تىركەلىپتى. تەمىر جولداردىڭ بولىنگەن جولاعىندا مال جايعانى ءۇشىن جالپى 1124 قۇقىق بۇزۋشى اكىمشىلىك جاۋاپكەرشىلىككە تارتىلىپ وتىر. سوندىقتان كولىك پوليتسياسى ءۇي جانۋارلارىنىڭ تەمىر جولعا شىعۋى پويىزداردىڭ قوزعالىسىنا قاۋىپ توندىرەتىنىن تاعى دا ەسكەرتەدى. شۇعىل تەجەۋ جولاۋشىلاردىڭ دەنساۋلىعى مەن ومىرىنە, سونداي-اق تاسىمالداناتىن جۇكتەرگە زالال كەلتىرۋى مۇمكىن. جانۋارلارمەن سوقتىعىسقان كەزدە لوكوموتيۆ زاقىمدانادى, جول شىعىنعا ۇشىرايدى. پويىزداردىڭ قوزعالىس كەستەسى بۇزىلادى.