«چەن-ريۋ» ءانسامبلى جاڭا بەلەسكە شىقتى

مەرەكەلىك قۇتتىقتاۋدى كورەيا رەسپۋبليكاسىنىڭ قازاقستان رەس­پۋب­ليكاسىنداعى توتەنشە جانە وكى­­لەتتى ەلشىسى كۋ حون سوك جانە ەلوردالىق قحا حاتشىلى­عى­­نىڭ وكىلدەرى ارنادى. ولار بيىل ءوزىنىڭ 20 جىلدىعىن اتاپ وتكەن ۇجىم مۇشەلەرىن قۇتتىقتاپ, ودان ءارى وركەندەۋ مەن جاڭا بيىكتەرگە جەتۋدى تىلەدى.

ءىس-شارا بارىسىندا قا­زاق­­ستانداعى كو­رەيلەر قاۋىم­داس­تىعىنىڭ 30 جىلدىعىنا وراي انسامبل مۇشەلەرى تامارا شەگاي, ناتاليا لەگاي, ليۋدميلا تيان, اللا كوگاي جانە ەربۋلات كاليەۆ مەرەكەلىك توسبەلگىلەرمەن ماراپاتتالسا, ۇجىمىنىڭ وزگە مۇشەلەرنە ارنايى العىس حاتتار تابىستالدى.

قاتىسۋشىلارعا كونتسەرتتىك باع­دارلامادان بولەك, كورەي حال­قىنىڭ ۇلتتىق تاعامى «كيمچي» ازىرلەۋدەن شەبەرلىك ساعاتى ءوتتى.

«نۇر-سۇلتان قالاسىنداعى كورەيلەردىڭ ەتنومادەني بىرلەستىگى» قوعامدىق بىرلەستىگىنىڭ «چەن-ريۋ» حالىقتىق ۆوكالدىق ءانسامبلى 2000 جىلدىڭ قاراشا ايىندا قۇرىلدى. انسامبل رەپەرتۋارىندا قازاق, كورەي جانە ورىس تىلدەرىندە 40-تان استام ءان بار. قازىر حوردا 20 قاتىسۋشى بار, 17 جىلدان بەرى لياززات حامزينا حوردى باسقارىپ كەلەدى. ل.حامزينانىڭ جەتەكشىلىگىمەن ۇجىم قالالىق, سونداي-اق رەسپۋبليكالىق ءىس-شا­رالارعا, كونكۋرستار مەن فەستي­ۆال­دارعا بەلسەندى قاتىسادى. وعان كوپتەگەن ماراپاتتار مەن العىس حاتتار جيىنى دالەل بولا الادى. حور ۇجىمى بىرنەشە رەت ءتۇرلى ەلدەرگە كونتسەرتتەرمەن دە بارعان بولاتىن.