بيىلعى جىلىتۋ ماۋسىمىندا ەلورداداعى بىرقاتار ەلدى-مەكەن گازعا كوشىرىلە باستاي̆دى. بۇل تۋرالى نۇر-سۇلتان قالاسىنىڭ اكىمى Instagram پاراقشاسىندا جازدى, دەپ حابارلايدى Egemen.kz.
"ەلوردادا 16 ەلدى-مەكەن بار. ولاردى ورتالىقتاندىرىلعان دامىتۋدان باسقا, اۋىز سۋ, كارىز, جارىقتاندىرۋ, جولدار سالۋ جانە ت.ب. ماسەلەلەردى شەشۋ قاجەت. اۋدان تۇرعىندارى جارىقتاندىرۋ, نوسەر جانە شارۋاشىلىق ءناجىس كارىزدەرىن جۇرگىزۋ, ينتەرنەت, گازداندىرۋ, جولداردى, تروتۋارلاردى اسفالتتاۋ جانە ت.ب. سياقتى ينفراقۇرىلىم ماسەلەلەرىن كوتەردى", دەپ جازدى ا.كولگىنوۆ.
ونىڭ ايتۋىنشا, جارىقتاندىرۋ, ايالدامالار ورناتۋ, اۆتوبۋس مارشرۋتتارىنىڭ قوسىمشا سانىن ىسكە قوسۋ ءبىرىنشى كەزەكتە جاسالادى.
"تۇرعىنداردا ورتالىقتاندىرىلعان اۋىز سۋ بەرىلمەگەنىن ەسكەرە وتىرىپ, ءبىز ماگيسترالدى سۋ قۇبىرىنىڭ قۇرىلىسىن باستادىق. ماگيسترالدى سۋ قۇبىرى اياقتالعاننان كەي̆ىن, كۆارتالىشىلىك جەلىلەردى ۇي̆لەرگە وتكىزۋگە كىرىسەمىز. بۇل جۇمىستاردى 2021 جىلى اياقتاۋدى جوسپارلاپ وتىرمىز. جولداردى اسفالتتاۋعا كىرىسپەس بۇرىن, كارىز جانە گازداندىرۋ جۇمىستارىن اياقتاي̆مىز. بيىلعى جىلىتۋ ماۋسىمىندا بىرقاتار ەلدى-مەكەندەر گازعا كوشىرىلە باستاي̆دى. پروتسەسس بىرنەشە كەزەڭگە بولىنگەن. اي̆تىلعان كەزدەسۋدە تۇرعىندار كوتەرگەن ماسەلەلەر جوسپارعا الىندى.وسىنداي̆ كەزدەسۋلەردى بارلىق ەلدى-مەكەندەردە وتكىزىپ, قالا تۇرعىندارىنىڭ ۇسىنىستارىن قالانى دامىتۋ جوسپارىنا ەنگىزەمىز. تۇرعىن ءۇي̆ الاپتارىن دامىتۋ ماسەلەسى مەملەكەت باسشىسىنىڭ باقىلاۋىندا", دەپ جازدى اكىم.