دزيۋدودان قازاقستان ۇلتتىق قۇراما كومانداسى وقۋ-جاتتىعۋ جيىنىن وتكىزىپ جاتىر. ۇزاق ۇزىلىستەن كەيىنگى العاشقى وقۋ-جاتتىعۋ جيىنى الماتى وبلىسىنداعى «اقبۇلاق» وليمپيادالىق ورتالىعىندا وتۋدە.
29 قازاندا باستالعان جاتتىعۋ جيىنىندا 20-دان استام دزيۋدوشى شەبەرلىكتەرىن شىڭداۋدا. اتاپ ايتار بولساق, ەلدوس سمەتوۆ, عۇسمان قىرعىزباەۆ, باۋىرجان نارباەۆ (60 كگ), ەرلان سەرىكجانوۆ (66 كگ), جانساي سماعۇلوۆ (73 كگ), ديدار حامزا (81 كگ), يسلام بوزباەۆ (90 كگ), ەرسۇلتان مۇزاپپاروۆ (90 كگ), ايبەك سەرىكباەۆ (-100 كگ), ۆيكتور دەميانەنكو (-100 كگ) جانە تاعى باسقا دا دزيۋدو سپورتىنىڭ شەبەرلەرى دايىندىقتارىن پىسىقتاۋدا.
تاتامي شەبەرلەرىنىڭ دايىندىق جۇمىستارى 22 قاراشاعا دەيىن جالعاسادى.