اقمولا وبلىسىنىڭ ششۋچينسك قالاسىنداعى «جاقسى» سپورت كەشەنىندە فۋتزالدان ەل چەمپيوناتىنىڭ العاشقى اينالىمداعى ويىندارى اياقتالدى.
ءبىرىنشى اينالىمداعى 8 ويىننىڭ التاۋىندا جەڭىسكە جەتىپ, ەكەۋىندە تەڭ تۇسكەن «اتىراۋ» فۋتزال كلۋبى 20 ۇپايمەن كوش باستادى. ال بىلتىرعى ەل چەمپيوناتىندا باس جۇلدەنى ولجالاعان الماتىنىڭ «قايراتى» 19 ۇپايمەن ەكىنشى ورىندا تۇر. ۇزدىك ۇشتىكتى 17 ۇپايى بار «اقتوبە» ۇجىمى تۇيىندەدى.
ەل چەمپيوناتىنىڭ ەكىنشى اينالىمىنداعى 8 ويىنى قوستاناي وبلىسىنىڭ رۋدنىي قالاسىندا ۇيىمداستىرىلادى. ويىندار 18 قاراشا جانە 1 جەلتوقسان ارالىعىنا جوسپارلانعان. ءۇشىنشى جانە ءتورتىنشى اينالىمنىڭ كۇنتىزبەسى كەيىن انىقتالادى. سونداي-اق پلەي-وفف كەزەڭىنىڭ دە ويىندارى قوسىمشا حابارلانادى. ايتا كەتەيىك, بيىلعى فۋتزالدان قازاقستان چەمپيوناتىندا توعىز كوماندا باق سىناپ جاتىر.