پەتروپاۆل 63 جاستاعى تۇرعىنى كومسومول كوشەسىندەگى ءۇيىنىڭ اۋلاسىنان تۇرمىسقا قاجەتتى باسپالداق, قول اربا, ەت سۇرلەۋگە ارنالعان قۇرىلعى, 3 مەترلىك 5 قۇبىردىڭ سياقتى مەتالل زاتتارىنىڭ ۇرلانعانىن ايتىپ, پوليتسياعا جۇگىنگەن. كەلتىرىلگەن شىعىن شامامەن 98 مىڭ تەڭگەنى قۇرادى.
كريمينالدىق پوليتسيا ءبولىمىنىڭ قىزمەتكەرلەرى جەدەل-ىزدەستىرۋ شارالارىن ارقاسىندا جاقىن ماڭدا تۇراتىن, بۇرىن ۇرلىق جاساعانى ءۇشىن بىرنەشە رەت سوتتالعان 39 جاستاعى قالا تۇرعىنىنا كۇدىك كەلتىرگەن. جەدەل ۋاكىلدەر تەكسەرۋ بارىسىندا ونىڭ وسى قىلمىسقا قاتىسى بارىن انىقتاعان. قازىر اتالعان فاكتى قىلمىستىق كودەكسىنىڭ 188-بابى 3-ب. "ۇرلىق" بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. ۇرلانعان زاتتار مەتالقابىلداۋ ورىندارىنىڭ بىرىنەن تابىلدى. قازىرگى تاڭدا ۇرلانعانداردى الۋ جۇرگىزىلۋدە, ءتيىستى رەسىمدەردەن كەيىن زاتتار زاڭدى يەسىنە قايتارىلادى.
"قاسكويدىڭ باقشا جاقتان, بوتەن ادامنىڭ اۋلاسىنا كىرگەنى بەلگىلى بولدى, - دەدى پەتروپاۆل قالاسى پب كريمينالدىق پوليتسيا ءبولىمىنىڭ باستىعى, پوليتسيا مايورى دارحان زيافيددين. سونىمەن قاتار ول قالا تۇرعىندارىن زاتتارىن قاراۋسىز قالدرماۋعا شاقىردى.
پەتروپاۆل