رەسپۋبليكالىق كۇرەس فەدەراتسياسى بيىلعى ەل چەمپيوناتى 19-26 قاراشا ارالىعىندا الماتىداعى «دوستىق» سپورت كەشەنىندە وتەتىنىن رەسمي تۇردە راستادى.
الەمدى جايلاعان پاندەميا دەرتىنە بايلانىستى بۇل جارىس تا كورەرمەنسىز وتەدى. قاتىسۋشى كوماندانىڭ ءار مۇشەسىنىڭ مىندەتتى تۇردە پتر سىناعىنىڭ تەرىس ناتيجەسى تۋرالى انىقتاماسى بولۋعا ءتيىس. چەمپيونات ەلىمىزدەگى كوروناۆيرۋس ينفەكتسياسىنىڭ پايدا بولۋى مەن تارالۋىنىڭ الدىن الۋ جونىندەگى ۆەدومستۆوارالىق كوميسسيا وتىرىسىنىڭ حاتتاماسىنداعى بارلىق سانيتارلىق تالاپتارعا سايكەس جانە UWW بەكىتكەن ەرەجەگە سايكەس وتكىزىلەدى. گرەك-ريم جانە ەركىن كۇرەس شەبەرلەرىنە ءبىر كيلو ارتىق سالماق رۇقسات ەتىلەدى. ايەلدەر كۇرەسى وكىلدەرىنە ونداي جەڭىلدىك بەرىلمەيدى.
سونىمەن قاتار تورەشىسى جوق وڭىرلەردىڭ كوماندالارى چەمپيوناتتان شەتتەتىلەدى. مىنە, ەل بىرىنشىلىگىنە قاتىسۋشىلارعا وسىنداي تالاپتار قويىلىپ وتىر.