پەتروپاۆل قالاسىنىڭ 41 جاستاعى ءبىر تۇرعىنى تاڭەرتەڭ ءوزىنىڭ ءۋاليحانوۆ كوشەسىندەگى ءۇيىنىڭ ماڭىندا تۇرعان «ۆاز-21070» اۆتوكولىگى قولدى بولعانىن كورىپ, پوليتسياعا حابارلايدى, دەپ جازادى Egemen.kz.
وسى كەزدە اسانوۆو اۋىلىنىڭ سىرتىنداعى جولدىڭ شەتىندە ورتەنگەن كولىك تابىلادى. جەدەل-ىزدەستىرۋ شارالارى بارىسىندا كۇدىكتى انىقتالدى, ول 1999 جىلى تۋعان, قالا تۇرعىنى بولىپ شىقتى. ونىڭ ايتۋىنا قاراعاندا 1996 جىلى تۋعان دوسىمەن بىرگە سەرۋەندەمەكشى بولىپ, كولىكتى ماساڭ كۇيدە ايداپ اكەتكەن. ال ءورت وزدىگىنەن شىققان. بولجام بويىنشا ولار باتىپ, كولىككە شەكتەن تىس سالماق تۇسىرگەن.
اتالعان فاكتى قك 188-ءشى «ۇرلىق» بابى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى. كۇدىكتىلەرگە قاتىستى كەلۋگە مىندەتتەۋ تۇرىندەگى بۇلتارتپاۋ شاراسى تاعايىندالدى. وقيعانىڭ تولىق ءمان-جايىن تەرگەۋ انىقتايدى.
«كولىك قۇرالدارى كوپ جاعدايدا تاسادا تۇرعاندا, قاراڭعى جەرلەردەن ۇرلانادى, - دەدى ءبىرىنشى پوليتسيا ءبولىمىنىڭ باستىعى پوليتسيا پودپولكوۆنيگى تىلەگەن ءالجانوۆ. – كولىكتەرگە دابىلدى ورناتىپ, مۇمكىندىگىنشە كۇزەتىلەتىن اۆتوتۇراقتارعا نەمەسە كامەرالار ورناتىلعان جەرلەرگە قويعان ءجون. كولىكتىڭ ىشىندە اقشا مەن قۇندى زاتتاردى قالدىرماۋ كەرەك, سەبەبى قاسكويلەردىڭ كوزىنە ءتۇسۋى مۇمكىن», دەيدى ول.
سولتۇستىك قازاقستان وبلىسى