جاڭا كولىك پەتروپاۆل قالاسىنداعى №1 ۋچاسكەلىك پوليتسيا پۋنكتىنىڭ قىزمەتكەرلەرىنە تابىس ەتىلدى, دەپ حابارلايدى Egemen.kz.
بۇل اۆتوكولىكتى مەملەكەت باسشىسىنىڭ قاتىسۋىمەن وتكەن ۆەدومستۆو القاسىنىڭ سوڭعى وتىرىسىندا قازاقستان رەسپۋبليكاسى ىشكى ىستەر ءمينيسترى ەرلان تۇرعىمباەۆتىڭ قويعان مىندەتتەرىن جۇزەگە اسىرۋ اياسىندا ىشكى ىستەر مينيسترلىگى ءبولدى. "ماتەريالدىق-تەحنيكالىق بازانى نىعايتۋ ارقاشان حالىقپەن بايلانىستاعى قىزمەتكەرلەردىڭ جۇمىسىنىڭ تيىمدىلىگىن ارتتىرۋعا سەپتىگىن تيگىزەدى. جەدەل ارەكەت ەتۋگە جاعداي جاساۋ - ازاماتتاردىڭ قاۋىپسىزدىگىن قامتاماسىز ەتۋگە زور ۇلەس قوسۋ بولىپ تابىلادى", دەپ اتاپ ءوتتى "لادا ۆەستا" اۆتوكولىگىنىڭ سەرتيفيكاتى مەن كىلتىن تابىس ەتە وتىرا, سولتۇستىك قازاقستان وبلىسى پوليتسيا دەپارتامەنتىنىڭ باستىعى پوليتسيا پولكوۆنيگى مارات تولەباەۆ.
پەتروپاۆلداعى №1 ۋپپ ۋچاسكەلىك پوليتسيا ينسپەكتورلارى قالانىڭ 24 مىڭ ادام تۇراتىن ورتالىق بولىگىنە قىزمەت كورسەتەدى. بۇل بىرنەشە كوڭىل كوتەرۋ ورىندارى, جاڭا سالىنعان ۇيلەر مەن جەر ۇيلەر, سپورتتىق وبەكتىلەرى بار ءىرى اۋدانداردىڭ ءبىرى. وسى ۋچاسكەلىك پوليتسيا پۋنكتى سولتۇستىك قازاقستان وبلىسىندا الدىڭعى قاتاردا. قالانىڭ باسقا دا ۋچاسكەلىك پوليتسيا پۋنكتەرى سياقتى پلانشەتتەرمەن, اۋلالارعا جانە باسقا دا قوعامدىق ورىندارعا شىعارىلعان بەينەباقىلاۋ كامەرالارىمەن جابدىقتالعان.
پەتروپاۆلدا 13 ۋچاسكەلىك پوليتسيا پۋنكتى بار, وندا 90-نان استام ۋچاسكەلىك پوليتسيا ينسپەكتورلارى جۇمىس ىستەيدى. قازىر پرەزيدەنت جولداۋىن ىسكە اسىرۋ شەڭبەرىندە ۋچاسكەلىك پوليتسيا قىزمەتكەرلەرىنىڭ مارتەبەسىن كوتەرۋ, ولاردىڭ وكىلەتتىكتەرىن كەڭەيتۋ, ماتەريالدىق-تەحنيكالىق جابدىقتاۋ جۇمىستارى جۇرگىزىلۋدە.
پەتروپاۆل