اقش-تا جارىق كورەتىن ءجۇز جىلدىق تاريحا بار ايگىلى The Ring جۋرنالى الەمنىڭ ەڭ ۇزدىك كاسىپقوي بوكسشىلارىنىڭ رەيتينگىن (P4P) قايتا جاڭاراتتى, دەپ حابارلايدى Egemen.kz.
ايتۋلى باسىلىم بۇگىنگى تاڭداعى ەڭ ۇزدىك بوكسشى رەتىندە ساۋل الۆارەستى تانىعان ەكەن.
ارينە, وعان تاڭدانۋعا بولمايدى. سەبەبى, 30 جاستاعى مەكسيكالىق ساڭلاق ءتۇرلى سالماق دارەجەسىندە كۇش سىناسقانىمەن, ۇنەمى جەڭىسكە جەتۋدە. بارلىعى ول 56 مارتە جەكپە-جەككە شىعىپ, 53 رەت جەڭىسكە جەتتى. 36 قارسىلاسىن ەسىنەن تاندىردى.
ءبىر رەت قانا ۇتىلىپ, ەكى كەزدەسۋدە تەڭ ەسەپ تىركەلدى. سونعى رەت "كانەلو" بىلتىرعى جىلدىڭ 2 قاراشاسىندا لاس-ۆەگاستا رەسەيلىك سەرگەي كوۆالەۆتى 11 راۋندتا ۇرىپ جىققان بولاتىن.
سونداي-اق, "توپ-10" بوكشىلاردىڭ تىزىمىندە ناويا ينوۋە (جاپونيا) تەرەنس كروۋفورد (اقش), الەكساندر ۋسيك (ۋكراينا), ەررول سپەنس (اقش), تەوفيمو لوپەس (اقش), ۆاسيلي لوماچەنكو (ۋكراينا), حۋان فرانسيسكو ەسترادا (مەكسيكا), دجوش تەيلور ( ۇلىبريتانيا) جانە گەننادي گولوۆكين (قازاقستان) سىندى ساڭلاقتار بار.