ايىرتاۋ اۋدانىنىڭ شالقار اۋىلىندا تانىس دۇكەنشىدەن قارىزعا اراق الماق بولىپ كەلگەن 50 جاسار ادام بەتىن قايتارعان ساتۋشى ايەلدى توبەسىنەن ءبىر ۇرىپ, اراعىن الىپ قاشقان, دەپ حابارلايدى Egemen.kz.
دۇكەنشى ونىڭ قىزۋ ەكەنىن كورگەن سوڭ قارىزعا اراق بەرۋدەن باس تارتقان ەكەن. ال ساۋ كەزىندە بەرىپ تۇرعانعا ۇقسايدى, ويتكەنى ول ەكپىندەي ەنىپ, باتىل قيمىلداعان. الايدا تۇمسىعى تاسقا تيگەندە قاراپ قالماپتى. انا جاقتا «قيماس» دوستارى ۇستەلدە توسىپ وتىرعاندا ماس ادام نەدەن تارتىنسىن, اراق بەرمەگەن ساتۋشىنى سۇلاتىپ سالىپ, «ەرلىك» جاساپ كەتكەن ەكەن...
ەندى ونىڭ ۇستىنەن قاۋىپتى قاراقشى رەتىندە قىلمىستىق كودەكستىڭ 191 بابىمەن ءىس قوزعالدى. ايىرتاۋ اۋدانى پوليتسيا ءبولىمىنىڭ باستىعى مارات سەركەشەۆتىڭ ايتۋىنا قاراعاندا زارداپ شەككەن ايەل اۋرۋحاناعا جەتكىزىلىپ, دەنساۋلىعىنا كەلگەن اقاۋ بويىنشا انىقتاما العان.