پەتروپاۆلدا 4 قاراشا كۇنى حيمەنكو كوشەسىنىڭ بويىندا شامامەن ساعات 16-دا جول-كولىك وقيعاسى ورىن الدى, دەپ حابارلايدى Egemen.kz.
ساۋدا ءۇيىنىڭ جانىندا قول تەجەگىشىندە تۇرعان بەتون ارالاستىرعىش جۇك كولىگى وزدىگىنەن جىلجىپ, امەگا قۇرىلىس دۇكەنىنە كىرىپ كەتكەن. زارداپ شەككەندەر جوق. كەلتىرىلگەن شىعىننىڭ مولشەرى ناقتىلانۋدا.
جول-كولىك وقيعاسى فاكتىسى بويىنشا پەتروپاۆل قالاسى پب پاترۋلدىك پوليتسيا باتالونىنىڭ انىقتاۋشىسى اكىمشىلىك ماتەريال جيناپ, پوليتسيا بولىمىنە تاپسىردى. قوسىمشا جينالعان ماتەريالداردىڭ قورىتىندىسى بويىنشا جۇرگىزۋشىنىڭ قۇقىقتىق جاۋاپكەرشىلىگى تۋرالى شەشىم قابىلدانادى.