الماتىنىڭ ءدال ىرگەسىندەگى تالعار قالاسىندا ساداق اتۋدان ەرلەر مەن جاستار اراسىنداعى قازاقستان بىرىنشىلىگى ءوتتى, دەپ حابارلايدى Egemen.kz.
بىرەر كۇنگە سوزىلعان جارىس بارىسىندا الماتى وبلىسىنىڭ ورەندەرى وزدەرىنىڭ مىقتىلىعىن مويىنداتتى. بارلىعى 11 التىن, 4 كۇمىس جانە 6 قولا مەدالدى ولجالاعان ولار جالپى ەسەپتە الدارىنا جان سالمادى. ەكىنشى جانە ءۇشىنشى ورىندارعا شىمكەنت پەن الماتى قالالارىنىڭ قۇراما كوماندالارى جايعاستى.
تارقاتىپ ايتساق, وڭتۇستىك وڭىردەن كەلگەن وعىلاندار 17 (3 التىن+10 كۇمىس+4 قولا) جۇلدە السا, الاتاۋ بايراۋىنىڭ وكىلدەرى 10 (3+3+4) مارتە جەڭىس تۇعىرىنا كوتەرىلدى.