سولتۇستىك كورەيا باسشىسى كيم چەن ىن وڭتۇستىك كورەيانىڭ بەدەلىنە نۇقسان كەلتىرەتىن ۇگىت-ناسيحات جۇمىستارىن ۇدەتە تۇسۋگە پارمەن بەردى. بۇل تۋرالى ريا «نوۆوستي» حابارلادى.
وڭتۇستىك كورەيا ۇكىمەتىنىڭ دەرەك كوزدەرىنە قاراعاندا, كيم چەن ىن ءوزىنىڭ باسقارۋىنداعى كورەي ەڭبەكشىلەرى پارتياسىنا پاك كىن حە جەتەكشىلىك ەتەتىن وڭتۇستىك كورەيانى جاعىمسىز جاعىنان كورسەتۋگە بايلانىستى نۇسقاۋ بەرگەن.
كيم چەن ىن جوعارىدا ايتىلىپ وتكەن ماسەلەگە قاتىستى قازان ايىنىڭ باسىندا ارنايى بۇيرىق شىعارعان كورىنەدى.
قازىردىڭ وزىندە سولتۇستىككورەيالىق بۇقارالىق اقپارات قۇرالدارى وڭتۇستىك كورەيا پرەزيدەنتى پاك كىن حەنى «ديكتاتور» دەپ اتاپ, ونىڭ «مەكەن-جايىنا» ءتۇرلى بىلاپىت سوزدەرىن باعىتتاي باستاعان.
كەيبىر ساراپشىلاردىڭ بولجامدارىنا قاراعاندا, سەۋلمەن قارىم-قاتىناستى تۇزەتۋگە ىشتەي نيەتتى كيم چەن ىن وڭتۇستىك كورەيانىڭ پرەزيدەنتى پاك كىن حەنىڭ بەدەلىن تومەندەتە وتىرىپ, ناتيجەسىندە وڭتۇستىككورەيالىق وپپوزيتسيانىڭ قولداۋىنا يە بولۋدى كوزدەيدى. ال وپپوزيتسيا وڭتۇستىك كورەيانىڭ بيلىگىنە كەلە قالسا, كيم چەن ىن ولارمەن تۇسىنىستىكپەن بىرلەسە جۇمىس ىستەۋى مۇمكىن.
جولدى
دەرەكوز: ريا «نوۆوستي».
باي بازار.