بۇل كۇندەرى ۇلى جەڭىستىڭ الداعى 70 جىلدىعىنا دايىندىق ءجۇرىپ جاتىر. ونى تمد اۋماعى بىرگە اتاپ ءوتۋ ءۇشىن مەملەكەت باسشىلارى قول قويعان قاۋلىلارى بار. سونىڭ ىشىندە ۇلى وتان سوعىسى ارداگەرلەرىنىڭ ءتۇرلى مۇقتاجدىقتارىن وتەپ, ءۇي-جايلارىن جوندەپ, قارجىلاي كومەك بەرۋ سياقتى قوسالقى شارالار دا جەتكىلىكتى. ەڭ باستىسى, حالقىمىزدىڭ قازىناسى – ارداگەرلەرىمىز قول قۋسىرىپ وتىرماي, ەلدىك ىستەرگە دە ارالاسىپ, كەيىنگى ۇرپاقتى تاربيەلەۋ ىسىنە دە قوسىپ جاتقان ۇلەستەرى ولشەۋسىز.
بۇل كۇندەرى ۇلى جەڭىستىڭ الداعى 70 جىلدىعىنا دايىندىق ءجۇرىپ جاتىر. ونى تمد اۋماعى بىرگە اتاپ ءوتۋ ءۇشىن مەملەكەت باسشىلارى قول قويعان قاۋلىلارى بار. سونىڭ ىشىندە ۇلى وتان سوعىسى ارداگەرلەرىنىڭ ءتۇرلى مۇقتاجدىقتارىن وتەپ, ءۇي-جايلارىن جوندەپ, قارجىلاي كومەك بەرۋ سياقتى قوسالقى شارالار دا جەتكىلىكتى. ەڭ باستىسى, حالقىمىزدىڭ قازىناسى – ارداگەرلەرىمىز قول قۋسىرىپ وتىرماي, ەلدىك ىستەرگە دە ارالاسىپ, كەيىنگى ۇرپاقتى تاربيەلەۋ ىسىنە دە قوسىپ جاتقان ۇلەستەرى ولشەۋسىز.
قاي كەزدە دە ۇلاعاتتى ۇلكەن ۇرپاق باس قوسقاندا قارالاتىن ماسەلە, ورتاعا سالىناتىن ساۋالدار از بولمايدى. سونىمەن, كەشە الماتى قالاسى ارداگەرلەر ۇيىمىنىڭ قۇرىلتاي جينالىسى بولىپ ءوتتى. بۇل جيىنعا «گەنەرالدار كەڭەسى» رەسپۋبليكالىق قوعامدىق بىرلەستىگى مۇرىندىق بولىپ, الماتى قالاسىنىڭ اكىمدىگىمەن بىرلەسىپ قالانىڭ بارلىق اۋداندارىندا ۇلى وتان سوعىسىنىڭ ارداگەرلەرى مەن قاتىسۋشىلارى, اۋعان سوعىسىنىڭ, جەرگىلىكتى جاۋىنگەرلەرمەن جانە چەرنوبىل وقيعاسىنىڭ قاتىسۋشىلارىمەن وتكىزىلگەن دوڭگەلەك ۇستەل بارىسىندا ارداگەرلەردىڭ الەۋمەتتىك ماسەلەلەرى تالقىلاندى جانە ۇلى وتان سوعىسىنداعى جەڭىستىڭ 70 جىلدىعىن لايىقتى قارسى الۋ جونىندە ماسەلەلەر قارالدى.
قازاقستان رەسپۋبليكاسىنداعى اتالعان ساناتتاعى ارداگەرلەر ۇيىمدارىنىڭ قاتىسۋشىلارى كەلەسى باعىتتار بويىنشا تىعىز ارىپتەستىكتى ۇيىمداستىرۋدى ۇسىنىپ وتىر.
ونىڭ ىشىندە ۇلتتىق قاۋىپسىزدىكتى, قورعانىس جانە ەلدەگى زاڭدىلىقتى نىعايتۋدا قر پرەزيدەنتىنە قولداۋ كورسەتۋ, جاڭا قازاقستاندىق پاتريوتيزم باعىتىندا تاربيەلەۋ بويىنشا ارداگەرلەر ۇيىمىنىڭ بىرلەسكەن قىزمەتىن جانداندىرۋ ىستەرى دە بار.
سول سياقتى, قر ۇكىمەتىنىڭ ۇوس, ەڭبەك مايدانىنىڭ قاتىسۋشىلارى, اۋعان سوعىسىنىڭ ارداگەرلەرى مەن مۇگەدەكتەرى, جەرگىلىكتى جاۋىنگەرلەر, چەرنوبىل اپاتىنا قاتىسۋشىلار, قارۋلى كۇشتەر مەن قارۋلى قۇرىلىمدار, اسكەري قىزمەتكەرلەردىڭ وتباسى جانە قۇقىق قورعاۋ ورگاندارى قىزمەتكەرلەرى, اسكەري مىندەتتەرىن ورىنداۋ كەزىندە قازا تاپقان جاۋىنگەرلەر وتباسىن الەۋمەتتىك قورعاۋ ماسەلەلەرى بويىنشا تۇپكىلىكتى شارا قابىلداۋىنا ىقپال ەتۋ كوزدەلۋدە جانە الماتى قالاسىندا سوعىس ارداگەرلەرىنە ساۋىقتىرۋ ورتالىعىن جانە ارداگەرلەر ءۇيىن قۇرۋ ءىسى دە قوردالانعان ماسەلە قاتارىندا تۇر.
وسى ماقساتتا, «گەنەرالدار كەڭەسى» رقب ارداگەرلەر ۇيىمىنىڭ قۇرىلتايشى جينالىسىن وتكىزۋگە جانە ارداگەرلەر بىرلەستىگىنىڭ قاۋىمداستىعىن قۇرۋعا شەشىم قابىلدادى.
ايناش ەسالي,
«ەگەمەن قازاقستان».
الماتى.