بۇرىنعى دەنساۋلىق ساقتاۋ ءمينيسترى ەلجان ءبىرتانوۆ مەملەكەت قاراجاتىن ىسىراپ ەتتى دەگەن كۇدىكپەن قاماۋعا الىندى, دەپ حابارلايدى Egemen.kz قارجى مونيتورينگى كوميتەتىنە سىلتەمە جاساپ.
قارجى مونيتورينگى كوميتەتىنىڭ ەكونوميكالىق تەرگەۋ قىزمەتى بۇرىنعى دەنساۋلىق ساقتاۋ ءمينيسترى ەلجان بىرتانوۆقا قاتىستى اسا ءىرى كولەمدە بيۋدجەت قاراجاتىن ىسىراپ ەتۋ فاكتىسى بويىنشا قىلمىستىق ءىستى تەرگەپ جاتىر. ەلجان بىرتانوۆقا قاتىستى سوتپەن قاماۋدا ۇستاۋ بۇلتارتپاۋ شاراسى سانتسيالانعان.
"تەرگەۋ مۇددەسىنە بايلانىستى قوسىمشا اقپارات جاريالانبايدى", دەيدى كوميتەتتەن.