سقو تايىنشا اۋدانىنداعى كەللەروۆكا اۋىلىنىڭ ءبىر تۇرعىنى تۇنگى مەزگىلدە ءوزىنىڭ دۇكەنىندە شام جارىعىن بايقالعانىن ايتىپ پوليتسياعا دابىل بەرگەن. شاقىرتۋعا كەلگەن ۋچاسكەلىك پوليتسيا ينسپەكتورى مەن ونىڭ كومەكشىسى دۇكەننىڭ تەرەزەسىن سىندىرىپ كىرگەن 2005 جانە 2006 جىلدارى تۋعان ەكى ءجاسوسپىرىمدى ۇستادى. بۇلاردىڭ اراسىندا ءۇشىنشى بالا دا بولعان, بىراق ول پوليتسيانى بايقاپ قالىپ, زىتىپ كەتىپتى, دەپ جازادى Egemen.kz
بالالاردىڭ سومكەسىنەن 6 بلوك سيگارەت, ءبىر قاپ قارا تەمەكى جانە 19 قوراپ ساعىز شىققان. اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قىلمىستىق كودەكستىڭ "قىلمىسقا دايىندالۋ جانە قىلمىسقا وقتالۋ" جانە "ۇرلىق" باپتارى بويىنشا ەنگىزىلدى. جاسوسپىرىمدەر اتا-انالارىنىڭ كەپىلگەرلىگىمەن بوساتىلدى. ولار بالالارىنىڭ ارەكەتتەرى ءۇشىن قىلمىستىق-اكىمشىلىك جاۋاپكەرشىلىككە تارتىلادى.
"وسىنداي فاكتىلەردىڭ جاسالۋىنا جول بەرمەۋ ءۇشىن يۋۆەنالدىق پوليتسەيلەردىڭ جۇمىستارى كۇشەيتىلدى", دەپ حابارلادى تايىنشا اۋدانىنىڭ پب باستىعى پوليتسيا پودپولكوۆنيگى نۇرلىجان اقتانوۆ.
سقو-دا جىل باسىنان بەرى جاسوسپىرىمدەردىڭ 30 قىلمىس جاساعانى تىركەلگەن. ونىڭ باسىم بولىگى – ۇرلىق.
سولتۇستىك قازاقستان وبلىسى