كەشە پرەمەر-مينيستر كارىم ءماسىموۆ بىرقاتار كەزدەسۋلەر وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
ءيزرايلدىڭ يندۋستريا, ساۋدا جانە ەڭبەك ءمينيسترى بينيامين بەن-ەليەزەرمەن كەزدەسۋدە ەكىجاقتى ساۋدا-ەكونوميكالىق قىزمەتتەستىكتى ودان ءارى ۇلعايتۋ پەرسپەكتيۆالارى تالقىلاندى.
قازاقستان پرەمەر-مينيسترى ەل پرەزيدەنتى نۇرسۇلتان نازارباەۆ بەكىتكەن قازاقستاننىڭ ۇدەمەلى يندۋستريالىق-يننوۆاتسيالىق دامۋ باعدارلاماسىن جۇزەگە اسىرۋ, سول سياقتى كۇشىنە ەنگەن كەدەن وداعى رىنوگىنىڭ ۇلعايۋى قازاقستان-يزرايل ساۋدا-ەكونوميكالىق جانە ينۆەستيتسيالىق قارىم-قاتىناستارىنىڭ الەۋەتىن ايتارلىقتاي كەڭەيتەتىنىن اتاپ كورسەتتى.
تۇرىك رەسپۋبليكاسىنىڭ مەملەكەتتىك ءمينيسترى زافەر چاگلايانمەن كەزدەسۋدە ەكى ەل اراسىنداعى ەكونوميكالىق قىزمەتتەستىكتەر بولاشاعى ءسوز بولدى.
ك.ءماسىموۆ قازاقستاننىڭ 2020 جىلعا دەيىنگى دامۋىنىڭ ستراتەگيالىق جوسپارىن جانە پرەزيدەنتتىڭ ەلدى ۇدەمەلى يننوۆاتسيالىق يندۋستريالاندىرۋ جونىندەگى بەسجىلدىق باعدارلاماسىن جۇزەگە اسىرۋ, سونداي-اق قازاقستاندا شىعارىلاتىن تاۋارلاردى كەدەن وداعىنا مۇشە ەلدەردىڭ اۋماعىندا وتكىزۋ ارتىقشىلىعى اياسىندا ەلدىڭ ينۆەستيتسيالىق الەۋەتىنىڭ ارتىپ وتىرعانىن اتاپ ءوتتى.
وسى كۇنى پرەمەر-مينيستر ك.ءماسىموۆ فرانتسۋز رەسپۋبليكاسى پارلامەنتى سەناتىنىڭ قارجى كوميتەتىنىڭ توراعاسى جان ارتيۋس باستاعان فرانتسۋز پارلامەنتتىك دەلەگاتسياسىمەن كەزدەستى.
كەزدەسۋ بارىسىندا ەكى ەل پرەزيدەنتتەرى قول جەتكىزگەن ۋاعدالاستىقتاردى جۇزەگە اسىرۋدىڭ جانە ەكى ەل اراسىنداعى ەكونوميكالىق قىزمەتتەستىكتى ودان ءارى دامىتۋدىڭ كەيبىر كوكەيكەستى ماسەلەلەرى جونىندە پىكىر الماسىلدى.
ك.ءماسىموۆ سەناتورلارعا 2007-2009 جىلدارى ەكونوميكانى تۇراقتاندىرۋ جونىندە قابىلدانعان شارالار مەن ونى داعدارىستان كەيىنگى كەزەڭدە دامىتۋ پەرسپەكتيۆالارى تۋرالى باياندادى.
كەزدەسۋ بارىسىندا شەتەلدىك مەيمانداردىڭ ءبارى دە قازاقستانداعى ەكونوميكالىق دامۋ ساياساتىنا جوعارى باعا بەرىپ, ءوزدەرىنىڭ ەكى جاقتى بايلانىستاردى ودان ءارى جەتىلدىرە تۇسۋگە مۇددەلى ەكەندىكتەرىن ءبىلدىردى.