26 قازاننان باستاپ سقو-دا رەسپۋبليكالىق "قۇقىقتىق ءتارتىپ" جەدەل-پروفيلاكتيكالىق ءىس-شاراسى وتۋدە, دەپ حابارلايدى Egemen.kz.
جەرگىلىكتى پوليتسيا قىزمەتىنىڭ بولىنىستەرى قىلمىستار مەن قۇقىق بۇزۋشىلىقتاردىڭ الدىن الۋ بويىنشا جۇمىستارىن كۇشەيتتى. ۋچاسكەلىك ينسپەكتورلار ەسەپتە تۇرعان تۇلعالاردى تۇرعىلىقتى مەكەنجايلارى بويىنشا تەكسەرسە, پاترۋلدىك پوليتسيا باتالونى جول قوزعالىسى بۇزۋشىلىقتارىن انىقتايدى. باستى نازاردا - كولىكقۇرالىن ماساڭ كۇيدە باسقارۋ فاكتىلەرىنىڭ جولىن كەسۋ.
جەدەل-پروفيلاكتيكالىق ءىس-شارانىڭ ەكى كۇنىندە وبلىس پوليتسەيلەرى ىشىمدىك ءىشىپ رولگە وتىرعان 26 جۇرگىزۋشىنى, جىلدامدىق رەجىمىن ساقتاماۋدىڭ 115 فاكتىسىن, ونىڭ ىشىندە قارسى باعىتقا شىعۋدىڭ 3 جاعدايىن انىقتادى. باسقارۋ قۇقىعىنان ايىرىلعان 14 جۇرگىزۋشى رولگە وتىرعان. جالپى 1524 بۇزۋشىلىق انىقتالدى.
سولتۇستىك قازاقستان وبلىسى