23-29 قازان ارالىعىندا ەلوردانىڭ بارلىق اۋداندارىندا 57 رەيد جۇرگىزىلدى, دەپ حابارلايدى Egemen.kz.
1400-دەن استام شوب تەكسەرىلىپ, 184 زاڭ بۇزۋشىلىق انىقتالدى. 54 ايىپپۇل سالىندى.
ەلوردا اكىمدىگى, سەس وكىلدەرى, ەرىكتىلەر جانە پوليتسيا قىزمەتكەرلەرى كارانتيندى ساقتاۋ جانە كوروناۆيرۋس ينفەكتسياسىنىڭ تارالۋىن بولدىرماۋ بويىنشا رەيدتەردى جالعاستىرۋدا.
سونىمەن, 30 جانە 31 قازاندا ساعات 22.00-دەن 04.00-گە دەيىن الماتى اۋدانىنىڭ ءموبيلدى توبى 34 نىساندى تەكسەردى.
"كوبىنە كافەلەر, مەيرامحانالار, تاماقتانۋ ورىندارى جۇمىس ۋاقىتىن ءۇزىپ تاستايدى. الەۋمەتتىك قاشىقتىق ساقتاۋ بويىنشا ەسكەرتپەلەر بار. سونىمەن قاتار كەيبىر مەكەمەلەر ۇجىمدىق ءىس-شارالار, تۋعان كۇن, ۇيلەنۋ تويلارىن وتكىزىپ, كارانتين ءتارتىبىن ورەسكەل بۇزادى", دەدى الماتى اۋداندىق تكقسق باقىلاۋ باسقارماسى باسشىسى گاۋحار شاپاتاەۆا.