ساراپشى بوتەن نومىرگە قايتا حابارلاسۋ قاۋىپتى ەكەنىن ايتتى, دەپ حابارلايدى Egemen.kz
"پرايم" اگەنتتىگىنە تسيفرلىق ساراپتاما ورتالىعىنىڭ جوبالار جونىندەگى مەنەدجەرى سەرگەي بودروۆ: "وزىڭىزگە تانىس ەمەس نومىرلەرگە, ءتىپتى ول ءسىزدىڭ ءوز ءنومىرىڭىز بولسا دا ول نومىرلەرگە قايتا حابارلاسۋدىڭ قاجەتى جوق. بۇل الاياقتار قولداناتىن ادىستەردىڭ ءبىرى", دەيدى ول.
ساراپشىنىڭ ايتۋىنشا, جالپى الاياقتار كەز كەلگەن نومىرلەردى قولدانۋى مۇمكىن. جەدەل قىزمەت نومىرلەرىنەن باستاپ بانكتىڭ قولداۋ قىزمەتىنە نەمەسە باسقا ارنايى نومىرلەرگە دەيىن. ماسەلەن, ول ءنومىردى سوسىن اۋىستىرۋ ءۇشىن ولار IP-تەلەفونيانىڭ ارنايى قىزمەت ءتۇرىن قولدانىپ, براۋزەردەگى سەرۆيس ارقىلى قوڭىراۋ شالىپ, ءنومىردى اۋىستىرا الاتىنىن ەسكەرتتى.وسىعان بايلانىستى مامان اقشانى جىمقىرۋعا تىرىساتىن الاياقتاردان ساقتانۋ ءۇشىن بىرنەشە ەرەجەنى ەسكەرۋ كەرەگىن ايتادى.
"ەڭ باستىسى جانە ماڭىزدىسى, ساراپشىنىڭ ايتۋىنشا, بوتەن نومىرلەرگە ەشقاشان قايتا قوڭىراۋ شالماۋ كەرەك, ءتىپتى ول ءسىزدىڭ ءنومىرىڭىز بولىپ شىقسا دا. ەكىنشىدەن, جاسىرىن نومىردەن حابارلاساتىنداردى انىقتاۋ ءۇشىن ءنومىردى انىقتاي الاتىن ارنايى ءبىر باعدارلامانى ورناتۋ كەرەك. بۇل سىزگە الاياق نەمەسە تەلەماركەتولوگ حابارلاسىپ تۇرعانىن كورۋگە مۇمكىندىك بەرەدى. سىزدەن تەلەفون ارقىلى بانك كارتاڭىزعا قاتىستى مالىمەتتەردى سۇراسا, تەلەفوندى قويىپ, بانككە قوڭىراۋ شالىڭىز", دەپ كەڭەس بەردى سەرگەي بودروۆ.