20 قاراشادا الماتىدا وتاندىق "Nev Names" جانە "دارىن" پروموۋتەرلىك كومپانيالارىنىڭ ۇيىمداستىرۋىمەن كاسىپقوي بوكستان حالىقارالىق تۋرنير ءوتتى.
كەشتىڭ باستى جەكپە-جەگىندە قازاقستاندىق اسحات جانتۇرسىنوۆ پەن ازىربايجاندىق تارۋەل جافاروۆ كۇش سىناسادى. بۇل سپورتشىلاردىڭ ەكەۋى دە وسى كۇنگە دەيىن جەڭىلىستىڭ كەرمەك ءدامىن تارتقان ەمەس. تانىمال باپكەر ساعاتبەك مۇساحانوۆتىڭ شاكىرتى بەس كەزدەسۋدىڭ تورتەۋىندە ايقىن باسىمدىق تانىتسا, قاپ تاۋى وكىلى التى باسەكەنىڭ بارلىعىندا جەڭىسكە جەتتى. وسى جەكپە-جەكتە WBC نۇسقاسىنىڭ ايماقتىق دەڭگەيدەگى التىن بەلبەۋى ساراپقا سالىنادى.
سونداي-اق, الماتىداعى جارىستا بىرقاتار شەت مەملەكەتتەردەن كەلگەن تانىمال بىلعارى قولعاپ شەبەرلەرى جانە ەسكەندىر حارسان, بەكبولات قۇرامىسوۆ, باۋىرجان بەيىلدينوۆ جانە تاعى باسقا سايىپقىراندار ونەر كورسەتەدى دەپ كۇتىلۋدە.
– "دارىن" پروموۋتەرلىك كومپانياسىنىڭ تۇساۋى كەسىلگەنىنە ەكى ايعا جۋىق قانا ۋاقىت بولدى. وسىعان دەيىن ءبىز ساعاتبەك مۇساحانوۆ جەتەكشىلىك ەتەتىن "Nev Names" كومپانياسىمەن بىرگە الماتى ءبىر جارىس وتكىزىپ ۇلگەردىك. بۇل جارىستىڭ دەڭگەيى كوپشىلىكتىڭ كوڭىلىنەن شىعىپ, وسى سالانىڭ باسى-قاسىندا جۇرگەن ماماندار تاراپىنان جوعارى باعالاندى. وسى جولى دا تاجىريبەلى سپورتشىلارمەن قاتار دارىندى جاستاردىڭ باسىن قوسۋدى ءجون كوردىك. بۇيىرتسا, 20 قاراشادا وتەتىن تۋرنير دە تارتىسقا تولى بولماق. ءسوز ورايى كەلگەندە, ءبىزدىڭ بۇل باستامامىزعا جان-جاقتى قولداۋ كورسەتكەن رەسپۋبليكالىق كاسىپقوي بوكس فەدەراتسياسى, "ابىلاي حان" سپورت كلۋبى, شىعىس قازاقستان وبلىسى جارما اۋدانىنا قاراستى كوشەك اۋىلىنىڭ ازاماتتارىنا جانە جەكە كاسىپكەرلەر – گۇلنار جاۋىنشىنوۆا مەن گامزا گەيداروۆقا زور العىسىمىزدى بىلدىرەمىز, دەيدى "دارىن" پروموۋتەرلىك كومپانياسىنىڭ پرەزيدەنتى دارحان قابىلانباەۆ.