ابۋ-دابيدە ء(باا) ءوتىپ جاتقان UFC دوداسىنا تۋرنيرىنە تۇڭعىش رەت قاتىسقان جەرلەسىمىز شاۆكات راحمونوۆ برازيليالىق قارسىلاسىن مەرزىمىنەن بۇرىن جەڭىپ, ايتۋلى ۇيىمداعى دەبيۋتىن ءساتتى باستادى.
«كوۆبوي» لاقاپ اتىمەن تانىمال برازيليالىق فايتەر الەكس وليۆەيرا (22-8-1-2) وتانداسىمىزعا ءبىر راۋند تا قارسى تۇرا المادى. جەكپە-جەكتىڭ ءبىرىنشى كەزەڭى اياقتالۋىنا ساناۋلى سەكۋندتار قالعاندا وليۆەيرا راحمونوۆتان جەڭىلگەنىن مويىنداپ, جارىستى جالعاستىرۋدان باس تارتتى.
وسىلايشا, جەرلەسىمىز ءوزىنىڭ 13-ءشى جەڭىسىنە قول جەتكىزدى. ءبىر ايتا كەتەرلىگى, راحمونوۆ بىردە-ءبىر قارسىلاسىنا بەلگىلەنگەن راۋندقا دەيىن تولىق جۇدىرىقتاسۋعا مۇمكىندىك بەرمەگەن.
ايتا كەتەيىك, UFC 254 ءتۋرنيرىنىڭ باستى جەكپە-جەگىندە رەسەيلىك حابيب نۋرماگومەدوۆ پەن امەريكالىق دجاستين گەتجي كۇش سىناسادى. ولار جەڭىل سالماقتاعى چەمپيوندىق اتاقتى ساراپقا سالادى.