بالقاش قالاسىندا بىرقاتار شەكتەۋ شارالارى ەنگىزىلەدى

بالقاش قالاسىنىڭ اۋماعىندا كوروناۆيرۋس ينفەكتسياسىنىڭ تىركەلۋ سانىنىڭ ۇلعايۋىنا بايلانىستى 2020 جىل 24 قازانىنىڭ ساعات 00.00-دەن باستاپ بالقاش قالاسىنىڭ باس مەملەكەتتىك سانيتارلىق دارىگەرىنىڭ 2020 جىلعى 23 قازانداعى قاۋلىسىمەن شەكتەۋ ءىس-شارالارىنىڭ كۇشەيتىلۋى ەنگىزىلەدى:

1. 65 جاستان اسقان ادامدارعا كوشەگە شىعۋدى شەكتەۋ.

2. كامەلەتكە تولماعان بالالار ەرەسەكتەردىڭ قاراۋىنسىز جۇرۋىنە تىيىم سالىنسىن.

3. جاپپاي جينالاتىن ورىنداردا: گۇلزارلار, ساياباقتار, جاعالاۋلار مەن ۇيلەردىڭ اۋلاسىنداعى بالالار وينايتىن الاڭدارى جابىلسىن.

4. زەينەتكەرلەر مەن مۇمكىندىگى شەكتەۋلى ادامدارعا كومەك كورسەتۋ بويىنشا ەرىكتىلەردىڭ جۇمىسىن جانداندىرۋ (65 جاستان اسقان ادامدارعا ازىق-ت ۇلىك, ءدارى-دارمەك جەتكىزۋگە, زەينەتاقى الۋعا جانە ت.ب. كومەك).  

5. بۇقارالىق اقپارات قۇرالدارىندا ەرىكتىلەردىڭ تەلەفوندارى, جەتكىزۋ قىزمەتتەرى جاريالانسىن.

6. ونەركاسىپتىك كاسىپورىندارعا جۇمىسشىلاردى جەتكىزەتىن قوعامدىق كولىكتەردى قوسپاعاندا, قالا بويىنشا قوعامدىق كولىكتەردىڭ قوزعالىسىن شەكتەۋ;

7. بالقاش ستانتسياسىن, قوڭىرات شاعىن اۋدانىن قوسا العاندا, قالا اۋماعىندا ساعات 22.00-دەن 05.00-گە دەيىن جەكە اۆتوكولىكتىڭ بارلىق تۇرلەرىنە تىيىم سالۋ. 

8. قوعامدىق تاماقتانۋ نىساندارىنا جۇمىس ۋاقىتىن ساعات 22.00-گە دەيىن شەكتەۋ. 

9. ازىق-ت ۇلىك ساۋدا نىساندارىنا جۇمىسىن ۋاقىتىن ساعات 22.00-گە دەيىن شەكتەۋ.

10. قىزمەت كورسەتۋ سالاسىنداعى نىساندارعا: شاشتارازدار, سۇلۋلىق سالوندار, مونشالار, ساۋنالار. قىزمەت كورسەتۋدى الدىن-الا جازىلۋ بويىنشا قاتاڭ تۇردە جۇزەگە اسىرۋ, دەزينفەكتسيالىق ءىس-شارالاردى جۇرگىزۋ, كەلۋشىلەردىڭ ارا-قاشىقتىعىن ساقتاۋ.

11. كاسىپكەرلىك سۋبەكتىلەرگە: نىساندارعا ماسكاسىز جانە كاتارالدى بەلگىلەرى بار (جوتەل, مۇرىننىڭ اعۋى, تەمپەراتۋرا) كەلۋشىلەردى كىرگىزبەۋ.

12. تاۋلىك بويى قالادا پوليتسيا ءبولىمى مەن اسكەري پوليتسيا كۇشتەرىمەن پاترۋلدەۋى ۇيىمداستىرىلسىن. 3 ادامنان ارتىق ادامداردىڭ جينالۋىنا جول بەرمەۋ. 

13.  بالقاش قالاسىنىڭ اۋماعىندا ورنالاسقان اسكەري بولىمدەرى, ونىڭ ىشىندە ازاماتتىق پەرسونالى قاشىقتىقتاعى جۇمىس رەجيمىنە (قىزمەتكەرلەردىڭ كەمىندە 50% - ى) كوشىرىلسىن.