جاتاقحانالارداعى تۇرمىستىق احۋالمەن تانىستى

مۇندا تۇراتىن ستۋدەنتتەردىڭ ءبارى قاشىقتىقتان وقۋعا تەحنيكالىق مۇمكىندىكتەرى جوق باسقا قالالاردان كەلگەن جاستار. ءبىلىم جانە عىلىم مينيسترلىگىنىڭ ۇسىنىمدارىنا سايكەس ءار بولمەدە 2 ادامنان اسپاۋى ءتيىس.

"مونيتورينگتىك توپ مۇشەلەرى جاتاقحانالاردا تۇرۋ جاعدايىمەن تانىستى, تۇرعىن بولمەلەردىڭ, وقۋ زالدارىنىڭ, كىر جۋ ورىندارىنىڭ, اس ۇيلەردىڭ, سەبەزگى جانە سانيتاريالىق توراپتاردىڭ جاي-كۇيىن قاراپ شىقتى. قازىر جوو جاتاقحاناسىنا قابىلداۋ ۋنيۆەرسيتەتتىڭ رەسمي سايتى ارقىلى ەلەكتروندى تۇردە جۇزەگە اسىرىلادى. بۇل تەتىكتى ەنگىزۋ بيۋروكراتيالىق كىدىرىستەر مەن سىبايلاس جەمقورلىق تاۋەكەلدەرىن تولىعىمەن جويادى", دەپ اتاپ ءوتتى "Nur Otan" پارتياسىنىڭ "بولاشاق" فيليالى توراعاسىنىڭ ءبىرىنشى ورىنباسارى الەكساندر زەل.

جاتاقحانانىڭ ءار قاباتىندا سانيتايزەرلەر ورناتىلعان, جاستار اراسىندا بولۋى مۇمكىن اۋرۋلارعا ارنالعان يزولياتورلار بار. سونداي-اق, ولار ينتەرنەت بايلانىسىنىڭ ساپاسى مەن ينفراقۇرىلىمنىڭ قولجەتىمدىلىگىن باعالادى. بارلىق جاتاقحانالار ىشكى جانە سىرتقى بەينەتىركەۋمەن, ءورت سوندىرگىشتەرمەن جابدىقتالعان. نۇروتاندىقتاردىڭ پىكىرىنشە, بۇل شارالار ۋنيۆەرسيتەتتىڭ ستۋدەنتتىك كامپۋسىنىڭ اۋماعىندا قاۋىپسىز تۇرۋدى قامتاماسىز ەتەدى.

"مونيتورينگ قورىتىندىسى بويىنشا بۇزۋشىلىقتار انىقتالعان جوق. ءبىز ستۋدەنتتەرمەن سويلەستىك, ولاردان شاعىمدار تۇسكەن جوق, ولاردى ءبارى دە قاناعاتتاندىرادى ەكەن", دەدى ا.زەل.

پەتروپاۆل