حالىقارالىق فۋتبول فەدەراتسياسىنىڭ (فيفا) رەسمي سايتىندا فۋتبولدان ۇلتتىق قۇرامالاردىڭ قازان ايىنا ارنالعان رەيتينگى جاريالاندى. جاڭارعان رەيتينگتە قازاقستان ءبىر ساتى تومەندەپ, 119-ورىنعا تۇراقتادى.
جالپى وتكەن ايداعى رەيتينگپەن سالىستىرار بولساق, كوش باسىنداعى قۇرامالاردا اناۋ ايتقانداي وزگەرىس جوق. ءبىرىنشى ورىندا ادەتتەگىدەي 1765 ۇپايمەن بەلگيا قۇراماسى. 2018 جىلعى الەم چەمپيونى – فرانتسيا (1752) ەكىنشى ورىندا, برازيليا (1725) – ۇزدىك ۇشتىكتە.
ايتا كەتەيىك, وسى ايدا ميحال بيلەك شاكىرتتەرى ۇلتتار ليگاسى اياسىندا ەكى ويىن وتكىزگەن بولاتىن. الماتىدا وتكەن ويىندا البانيامەن تەڭ تۇسسە (0:0), سىرت الاڭداعى كەزدەسۋدە بەلارۋس قۇراماسىنان 2:0 ەسەبىمەن جەڭىلدى.