مەملەكەتتىك حاتشى پرەزيدەنت جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ كەزەكتى وتىرىسىن وتكىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەرباەۆتىڭ توراعالىعىمەن بەينە كونفەرەنتسيا بايلانىسى رەجيمىندە قازاقستان رەسپۋبليكاسى پرەزيدەنتىنىڭ جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ كەزەكتى وتىرىسى ءوتتى.
وتىرىستا «كۆازيمەملەكەتتىك سەكتوردىڭ ءىرى ينفراقۇرىلىمدىق كومپانيالارىنىڭ مەملەكەتتىك رەسۋرستاردى پايدالانۋ تيىمدىلىگى تۋرالى» ماسەلە قارالدى.
مەملەكەت باسشىسى «جاڭا جاعدايداعى قازاقستان: ءىس-قيمىل كەزەڭى» اتتى قازاقستان حالقىنا جولداۋىندا مەملەكەتتىك ورگانداردا دا, كۆازيمەملەكەتتىك سەكتوردا دا سىبايلاس جەمقورلىق فاكتورلارىن انىقتاۋعا ەرەكشە نازار اۋدارۋدى تاپسىردى.
سىبايلاس جەمقورلىققا قارسى ءىس-قيمىل جونىندەگى شارالار اياسىندا مەملەكەتتىك فۋنكتسيالاردىڭ ءبىر بولىگىن كۆازيمەملەكەتتىك سەكتورعا بەرۋ ماسەلەسىنە ەرەكشە نازار اۋدارىلدى. وسىعان سايكەس كوپتەگەن كۆازيمەملەكەتتىك كومپانيالار تازا ەكونوميكالىق مىندەتتەردى عانا ەمەس, سونداي-اق, سەرۆيستىك, ازاماتتاردى قوسىمشا قامتاماسىز ەتۋ جانە ەكونوميكا ماسەلەلەرىن دە شەشۋگە جۇمىلدىرىلعان.
بۇل رەتتە الداعى كەزەڭگە قويىلعان مىندەتتەر قاتارىندا: كورپوراتيۆتىك باسقارۋدى جاقسارتۋ; ءونىمسىز شىعىنداردى, ەنشىلەس كومپانيالار مەن شتاتتىق ساندى قىسقارتۋ; قوعامنىڭ اشىقتىعى مەن ەسەپتىلىگىن ارتتىرۋ; سىبايلاس جەمقورلىققا جول بەرگەن ادامداردى جۇمىسقا قابىلداۋعا تىيىم سالۋدى ەنگىزۋ سياقتى ءىس-شارالار ارنايى اتاپ وتىلگەن.
جيىندا ۋاكىلەتتى جانە قۇقىق قورعاۋ ورگاندارى جۇرگىزگەن تەكسەرۋ ناتيجەلەرى بويىنشا كۆازيمەملەكەتتىك سەكتور كومپانيالارىندا انىقتالعان قوردالانعان ماسەلەلەر ەگجەي-تەگجەيلى تالقىلاندى. اتاپ ايتقاندا, اكتسيونەرلىك كومپانيالار باسشىلىعىنىڭ نازارى اكتيۆتەردى پايدالانۋ كەزىندە ءتيىستى دارەجەدە باقىلاماۋ فاكتىلەرىنە جول بەرۋگە جانە ولاردى باسقارۋدا جۇيەلى پروبلەمالارعا, اسىرەسە, تابيعي مونوپوليالار سۋبەكتىلەرىنىڭ ازاماتتار مەن كاسىپكەرلەرگە قىزمەت كورسەتۋ بارىسىندا سىبايلاس جەمقورلىقتىڭ الدىن الۋ جونىندەگى جۇمىستىڭ كەرى ناتيجەلەرىنە اۋدارىلدى.
اتالعان ماسەلەلەرمەن قاتار, قارجى تارتىبىندەگى انىقتالعان زاڭ بۇزۋشىلىقتارعا ىقپال ەتكەن سەبەپتەر مەن جاعدايلاردى جويۋ جونىندەگى ۇسىنىستاردى ىسكە اسىرۋعا ءمان بەرە وتىرىپ, ەسەپ كوميتەتى جۇرگىزگەن اۋديتورلىق تەكسەرۋلەردىڭ ناتيجەلەرى تالقىلاندى.
وتىرىس قورىتىندىسى بويىنشا مەملەكەتتىك حاتشى قىرىمبەك كوشەرباەۆ قاراستىرىلعان ماسەلەلەر بويىنشا ناقتى تاپسىرمالار بەردى. ولاردىڭ ورىندالۋ بارىسى باقىلاۋعا الىندى.