قۇرلىقتىق حوككەي ليگاسىنىڭ (قحل) ارنايى كوميسسياسى تۇراقتى بىرىنشىلىكتىڭ جەتىنشى اپتاسىن قورىتىندىلاپ, وتكەن جەتى كۇندە ۇزدىك ويىنىمەن كوزگە تۇسكەن حوككەيشىلەردىڭ ەسىمىن اتادى. ولاردىڭ قاتارىندا «بارىس» ويىنشىسى دا بار.
ەلوردا كومانداسىنىڭ فينليانديالىق قاقپاشىسى يوني ورتيو اپتانىڭ ۇزدىك قاقپاشىسى اتاندى. ول كوماندامەن بىرگە سىرت ايدىنداعى ءۇش ويىننىڭ بارلىعىنا قاتىسىپ, ءبىر كەزدەسۋدە قاقپاسىنا گول وتكىزگەن جوق. ورتيو قاقپاعا باعىتتالعان 76 سوققىنىڭ ء(ار ويىندا ورتا ەسەپپەن 25,3 سوققى) 94,74 پايىزىن قايتارا ءبىلدى. سونداي-اق قارسىلاستىڭ شابۋىلشىلارى 96 مينۋت 15 سەكۋند بويى يوني ورتيو قاقپاسىنا بىردە-ءبىر شايبا دارىتا المادى.
سونىمەن قاتار «تراكتور» كلۋبىنىڭ قورعاۋشىسى لوۋرەنس پيلۋت, «مەتاللۋرگ» شابۋىلشىسى اندرەي چيبيسوۆ وتكەن اپتانىڭ ۇزدىگى اتانسا, «اك بارس» قاقپاشىسى امير ميفتاحوۆ «اپتا جاڭالىعى» سىيلىعىن يەلەندى.