كورونوۆيرۋس داعدارىسىنىڭ ىسكەرلىك بەلسەندىلىككە تەرىس اسەرىنە قاراماستان 2020 جىلدىڭ ءۇش توقسانىندا "استانا" حالىقارالىق قارجى ورتالىعىنىڭ قاتىسۋشى كومپانيالارى مەملەكەتتىك بيۋدجەتكە 5,678 ملرد تەڭگە سالىق پەن تولەم تولەدى. سالىستىرۋ ءۇشىن ايتا كەتەيىك, 2019 جىلدىڭ 12 ايىندا كورسەتكىش 6,99 ملرد تەڭگە بولعان ەدى.
2023 جىلعا دەيىن ءوزىن-ءوزى اقتايتىن دەڭگەيگە شىعۋ تۋرالى مەملەكەت باسشىسىنىڭ تاپسىرماسىنا ساي, قارجى ورتالىعى ەكىنشى جىل قاتارىنان بيۋدجەتتىك ءوتىنىمدى قىسقارتتى. 2020 جىلعى ءوتىنىم 13,074 ملرد تەڭگە بولسا, 2021 جىلعا 11,821 ملرد تەڭگەنى قۇرادى. الداعى ۋاقىتتا بيۋدجەتتىك ءوتىنىم 2022 جىلى 9,9 ملرد تەڭگەگە, ال 2023 جىلى 9,1 ملرد تەڭگەگە ازايماق.
احقو شىعىنداردى وڭتايلاندىرۋ جانە قاتىسۋشى كومپانيالاردان جينالاتىن سالىق ەسەبىنەن, سونىمەن قاتار قارجى ورتالىعىنىڭ ورگاندارى مەن ۇيىمدارىنىڭ وزىندىك تابىسى ەسەبىنەن ءوزىن ءوزى اقتايتىن دەڭگەيگە جەتپەك.
2020 جىلى احقو-نىڭ بيۋدجەتتىك ءوتىنىمى 2019 جىلمەن سالىستىرعاندا 40% ازايدى. 2019 جىلى كورسەتكىش 20 ملرد تەڭگە بولعان ەدى.