تەكسەرۋ ساۋاتتى بولسا, قاراجات ءتيىمدى جۇمسالادى

سونىڭ ىشىندە تەكسەرۋ كوميس­سيا­سى 2020 جىلدىڭ ءبىرىنشى جارتى­جىل­دىعىندا 23 وبەكتىدە 3 اۋديتورلىق جانە 3 ساراپتامالىق-تالداۋ ءىس-شا­را­سىن وتكىزدى. تيىمدىلىك ءاۋديتى 100 پا­يىزدى, ال جوعارىدا كورسەتىلگەن ءىس-شا­رالاردى جالپى قامتۋ – بيۋدجەت قارا­جاتى مەن مەملەكەت اكتيۆتەرىنىڭ 15 ملرد تەڭگەسىن قۇرادى.

سىرتقى مەملەكەتتىك ءاۋديتتىڭ پاي­داسى زور ەكەندىگى پراكتيكادا كورى­نىپ وتىر. بۇل كۆازيمەملەكەتتىك سەكتور سۋبەكتىلەرى مەن مەملەكەتتىك ور­گان­داردىڭ بيۋدجەت قاراجاتى مەن مەملەكەت اكتيۆتەرىن دۇرىس جۇم­ساۋىن باعالاۋعا مۇمكىندىك بەرەدى. وسى اۋديتتىك ءىس-شارالاردىڭ قورى­تىندىسى بويىنشا بيىل العاش­قى جارتىجىلدىقتا زاڭبۇزۋشى­لىقتاردىڭ جالپى سوماسىنىڭ 30%-ىن قار­جى­لىق بۇزۋشىلىقتار قۇراي­تىنى انىق­تالدى. بۇل, ءبىزدىڭ ويىمىز­شا جۇمىس تيىمدىلىگىن كورسەتكەن جاق­سى كورسەتكىش.

سونداي-اق وتكەن جىلى قارجى­لىق بۇزۋشىلىقتارى 2018 جىلمەن سالىستىرعاندا 28%-عا تومەندەگەنىن اتاپ ءوتۋ قاجەت. بۇل – جەرگىلىكتى اتقا­رۋشى ورگانداردا قارجىلىق ءتارتىپ­تىڭ نىعايعانىن كورسەتەدى. ال 2020 جىلدىڭ 6 ايىندا 2019 جىلدىڭ سايكەس مەرزىمىمەن سالىستىرعاندا بيۋد­جەت قاراجاتى مەن مەملەكەت اكتيۆتەرىنەن 13 ملن تەڭگە ار­تىق قالپىنا كەلتىرىلگەن. بۇل قار­جى­لىق ءتارتىپ نىعايعانىمەن بيۋدجەت قاراجاتى شىعىستارىنىڭ بۇزۋشىلىعى ازايماي وتىر دەگەن ءسوز.

2020 جىلدىڭ العاشقى جارتى­جىل­دىعىندا وبلىستىق بيۋدجەتتىڭ تۇسىمدەرى 122 354,8 ملن تەڭگەگە جوس­پارلانعان بولسا, ول ءىس جۇزىندە 137 275,2 ملن تەڭگەنى قۇراپ, 112,2%-عا ورىن­دالدى. تۇسىمدەردىڭ 81 پايىزى, ياعني 111 544,1 ملن تەڭگەسى كىرىستەردەن (نەگى­زىنەن سالىقتار مەن الىمدار), 13,5 پايىزى نەمەسە 18 473,2 ملن تەڭگەسى قارىزداردان تۇسەتىن تۇسىمدەردەن, قال­عانى بيۋدجەتتىك كرەديتتەردى وتەۋ­دەن تۇرادى. قارىزداردان تۇسەتىن تۇ­سىم­دەردى تۇرعىن ءۇي قۇرىلىسىن قارجى­لاندىرۋ جانە جۇمىسپەن قامتۋدىڭ جول كارتاسىن ىسكە اسىرۋ ءۇشىن اكىمدىك شىعاراتىن باعالى قاعازداردان تۇسەتىن تۇسىمدەر قۇرايدى.

2020 جىلدىڭ قاڭتار-ماۋسىم ايلارىندا شىعىستار بويىنشا وبلىستىق بيۋدجەت 100 %-عا ورىندالدى. ەڭ كوپ شىعىندار «ترانسفەرتتەر», «اۋىل, سۋ, ورمان, بالىق شارۋاشىلىعى, ەرەكشە قورعالاتىن تابيعي اۋماقتار, قورشاعان ورتانى جانە جانۋارلار دۇنيەسىن قورعاۋ, جەر قاتىناستارى», ء«بىلىم بەرۋ», «تۇرعىن ءۇي-كوم­مۋ­نالدىق شارۋا­شىلىق» جانە «كولىك جانە كوممۋني­كاتسيا» سالالارىنا بولىنگەن.

قازىرگى ۋاقىتتا پرەزيدەنتتىڭ داع­دا­رىسقا قارسى قاراجاتتىڭ ءتيىمدى جۇمسالۋىنا مونيتورينگ پەن باقى­لاۋدى قامتاماسىز ەتۋ جونىندەگى تاپسىرمالارىن ىسكە اسىرۋ باسىم باعىت بولىپ تابىلادى. وبلىستا «جۇمىسپەن قامتۋدىڭ 2020-2021 جىلدارعا ارنالعان جول كارتاسىنىڭ» جوبالارىن ىسكە اسىرۋ بويىنشا 6 769 جۇمىس ورنىن اشۋ قامتاماسىز ەتىلگەن. وڭىردە الەۋمەتتىك-مادەني نىساندار» باعىتى بويىنشا 157 جوبا, تۇرعىن ءۇي-كوممۋنالدىق شارۋا­شىلىق وبەكتىلەرىن» تۇرعىزۋعا – 82, ين­جەنەرلىك-كولىكتىك ينفراقۇرىلىم وبەك­تىلەرىنە – 78 جانە ەلدى مەكەن­دەردى اباتتاندىرۋعا 60 جوبا قاراس­تىرىلعان.

بيىلعى 10 تامىزدان باستاپ «ناتي­جەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەم­لەكەتتىك باعدارلاماسى» مەن «جۇ­مىس­پەن قامتۋدىڭ 2020-2021 جىلدارعا ارنالعان جول كارتاسى» مەملەكەتتىك باعدارلاماسىنىڭ 3-ءشى باعىتىن ىسكە اسىرۋ تيىمدىلىگىنە مەملەكەتتىك اۋديت وتكىزىلىپ, وعان بيۋدجەت قاراجاتى مەن مەملەكەت اكتيۆتەرىنەن جالپى سوماسى 32 107,0 ملن تەڭگە قامتىلدى.

«اۋىل – ەل بەسىگى» جوباسى شەڭ­بەرىندە وبلىستىڭ اۋىلدىق ەلدى مەكەن­دەرىندە الەۋمەتتىك جانە ينجە­نەرلىك ينفراقۇرىلىمدى دامىتۋعا 2020 جىلعا 4 920,0 ملن تەڭگە ءبولىنىپ, 2020 جىلعى 1 شىلدەدەگى جاعداي بو­يىنشا 931 915,2 مىڭى يگەرىلدى.

ءاربىر مەملەكەتتىك ءاۋديتتىڭ قورى­تىندىسى بويىنشا تەكسەرۋ كوميسسياسى مەملەكەتتىك اۋديت وبەكتىلەرىنىڭ ءبىرىنشى باسشىلارىنىڭ قاتىسۋىمەن, وبلىستىق جانە اۋداندىق ءماسليحات دەپۋتاتتارىمەن, اۋدان اكىمدەرىمەن جانە مەملەكەتتىك ورگانداردىڭ ءبىرىنشى باسشىلارىمەن بىرلەسىپ وتىرىس وتكىزدى.

بيىل تەكسەرۋ كوميسسيانىڭ وتىرىستارى Nur Otan پارتياسىنىڭ وبلىستىق فيليالىندا وتكىزىلۋدە. اۋديت قورىتىندىسى بويىنشا 2020 جىلدىڭ 1 جارتىجىلدىعىندا قارجىلىق ءتارتىپتى نىعايتۋ جانە انىقتالعان بۇزۋشىلىقتاردى جويۋ ماقساتىندا 5 ۇسىنىس پەن 25 تاپسىرما بەرىلدى.

سولتۇستىك قازاقستان وبلىسى