ۋچاسكەلىك ينسپەكتورلاردىڭ جۇمىسى جەتىلدىرىلە تۇسۋدە

ءتارتىپ ساقشىلارى جالعىز باستى زەينەتكەرلەردىڭ ۇيلەرىن ارالاپ, قارۋ يەلەرىن, تۇرمىسى تومەن وتباسىلاردى, بۇرىن سوتتى بولعان ادامداردى, ەسەپتە تۇرعان وزگە دە كونتينگەنتتەردى تەكسەردى. سونىمەن بىرگە پوليتسيا دەپارتامەنتىنىڭ اككاۋنتتارىنداعى الەۋمەتتىك جەلىلەرگە پەتروپاۆل قالاسىنىڭ بارلىق ۋچاسكەلىك پوليتسيا پۋنكتتەرىنىڭ مەكەن-جايلارى مەن تەلەفوندارى ورنالاستىرىلدى. "اتالعان اكىمشىلىك ۋچاسكەگە قىزمەت كورسەتەتىن قىزمەتكەردىڭ اتى مەن تەلەفون ءنومىرى كورسەتىلگەن اقپاراتتىق پاراق بۇرىن كىرەبەرىستەرگە جاپسىرىلسا, قازىرگى ۋاقىتتا بۇل مالىمەتتى قوسىمشا الەۋمەتتىك جەلىدەن دە الۋعا بولادى. ايتا كەتەتىن بولساق, پوليتسياعا جۇگىنۋگە ق ۇلىق تانىتپاي, ۇيدەگى داۋدى "جىلى جاۋىپ قويۋ" - وتباسى-تۇرمىستىق قاتىناس اياسىنداعى قۇقىق بۇزۋشىلىقتى قامتاماسىز ەتۋدىڭ باستى ماسەلەلەرىنىڭ بىرىنە اينالادى. حالىقتىڭ وسىنداي ۇستانىمىن ادامدارمەن تىعىز قارىم-قاتىناستا جۇمىس ىستەيتىن ۋچاسكەلىك ينسپەكتورلار وزگەرتۋى كەرەك", دەيدى سقو پد باستىعىنىڭ ءبىرىنشى ورىنباسارى, پوليتسيا پولكوۆنيگى قانات ايتباەۆ.

سقو-دا ۋچاسكەلىك پوليتسيا ينسپەكتورلارى تۇرمىستىق زورلىق-زومبىلىقتىڭ 200-دەن استام فاكتىسىن انىقتاعان. مىسالعا, № 9 ۋچاسكەلىك پۋنكتكە قاراستى اۋماقتى ارالاۋ كەزىندە ينسپەكتور ۇرىپ-سوعۋ بەلگىلەرىمەن جاس ايەلدى بايقاعان. وعان دەنە جاراقاتتارىن سالعان بۇرىن سوتتالعان كۇيەۋى ەكەنى بەلگىلى بولدى. قىز اناسىنىڭ ۇيىندە جاسىرىنعان. جاس ايەل كۇيەۋىنە قارسى سەگىز رەت ارىز جازىپ, كەيىن ونى قايتارىپ الىپ وتىرعان. ۋچاسكەلىك ينسپەكتور جابىرلەنۋشىگە وتباسىنداعى زورلىق-زومبىلىق اۋىر جاعدايعا اكەپ سوقتىرماۋى ءۇشىن ونىڭ جولىن كەسۋ قاجەتتىگىن تۇسىندىرگەن. قىز سوت-مەديتسينالىق ساراپتامادان ءوتىپ, كۇيەۋىنە قاتىستى قورعاۋ ۇيعارىمى شىعارىلدى. وعان ايەلىمەن كەزدەسۋگە جانە ونى قۋدالاۋعا تىيىم سالىندى.

اتىلمىش شارا باستالعاننان بەرى سقو پوليتسەيلەرى 50 مىڭنان استام پاتەر مەن 65 مىڭعا جۋىق جەكە ۇيلەردى ارالاپ شىقتى. وتباسى-تۇرمىستىق قاتىناس اياسىندا 206 قۇقىق بۇزۋشىلىق فاكتىسى انىقتالدى, ونىڭ 56 پەتروپاۆلدا. بارلىعى ۋچاسكەلىك ينسپەكتورلار 3600 استام ءتۇرلى قۇقىق بۇزۋشىلىقتى انىقتادى, ونىڭ 1000 استامى وبلىس ورتالىعىندا.

سولتۇستىك قازاقستان وبلىسى