حالىقارالىق بوكس قاۋىمداستىعى ء(اىۆا) 2024 جىلعى پاريج وليمپياداسىنا دەيىن حالىقارالىق وليمپيادا كوميتەتى مۇشەلىگىنە قايتا ەنۋدى كوزدەپ وتىر. بۇل تۋرالى ءاىۆا پرەزيدەنتى مىندەتىن اتقارۋشى موحاممەد مۋستاسان مالىمدەدى, دەپ حابارلادى ۇوك ءباسپاسوز قىزمەتى.
دەسە دە حوك پرەزيدەنتى توماس باح ءاىۆا تاراپىنان قانداي دا ءبىر العا ىلگەرىلەۋ جوق ەكەندىگىن ايتقان بولاتىن. «وتكەن جىل ءاىۆا ءۇشىن تابىستى بولدى. ءبىز حوك توپتارىنىڭ ۇسىنىستارىنا مۇقيات قارادىق. ءاىۆا 2024 جىلعى پاريج وليمپياداسىنا دەيىن قاتارعا قوسىلۋ ءۇشىن حوك قولداۋ كورسەتەدى دەپ ويلايمىز», دەيدى مۋستاسان.
ەسكە سالا كەتەيىك, 2018 جىلدىڭ 30 قاراشاسىندا حوك توكيو وليمپياداسى قارساڭىنداعى ىرىكتەۋ ءتۋرنيرىن وتكىزۋگە تىيىم سالدى. مۇنداي شەشىم قابىلداۋعا ءاىۆا-عا قاتىستى تەكسەرۋ سەبەپ بولعان. ال 2019 جىلدىڭ مامىرىندا حوك بوكس ءتۋرنيرىن ءاىۆا-نىڭ قاتىسۋىنسىز وتكىزۋدى قولعا الدى.