جۋىردا عانا كاسىپقوي بوكستاعى كەزەكتى جەكپە-جەگىن وتكىزىپ, قارسىلاسىن ەكىنشى راۋندتا سۇلاتىپ سالعان جەرلەسىمىز جانىبەك ءالىمحان ۇلىنا (9-0, 5 كو) جەكپە-جەك وتكىزۋگە تىيىم سالىندى.
بوكسشىلاردىڭ ستاتيستيكاسىن جۇرگىزەتىن Boxrec.com پورتالىنىڭ حابارلاۋىنشا, نەۆادا شتاتىنىڭ اتلەتيكالىق كوميسسياسى 27 جاستاعى قازاقستاندىق بوكسشىنى وسى جىلدىڭ 24 قازانىنا دەيىن جەكپە-جەكتەن ۋاقىتشا شەتتەتكەن. ول نوكاۋتقا جىبەرگەن ارگەنتينالىق گونسالو كوريا (16-4, 6 كو) 9 جەلتوقسانعا دەيىن شارشى الاڭعا شىعا المايدى.
ەسكە سالا كەتەيىك, جانىبەك ءالىمحان ۇلى 10 قازاندا ارگەنتينالىق گونسالو كوريامەن جەكپە-جەك وتكىزىپ, جەڭىسكە جەتكەن ەدى.