سولتۇستىك قازاقستان وبلىسى پوليتسيا دەپارتامەنتى كريمينالدىق پوليتسيا باسقارماسىندا «استىق-2020» جەدەل-پروفيلاكتيكالىق ءىس-شاراسىن قورىتىندىلادى. ول تامىزدىڭ 20 مەن قازان 10 ارالىعىندا 52 كۇن بويى وتكىزىلدى. 13 اۋداننىڭ ارقايسىندا كريمينالدىق پوليتسيا, ۋچاسكەلىك پوليتسيا ينسپەكتورلارى, پاترۋلدىك پوليتسەيلەر, كينولوگتاردان تۇراتىن ءموبيلدى توپتار جۇمىس ىستەدى. ەگىستىكتە استىق ۇرلىعىن انىقتاۋ جانە ەسكەرتۋ كومەگىنە پوليتسەيلەر باسا نازار اۋداردى, دەپ حابارلايدى Egemen.kz.
«استىق 2020» وبلىستىق جەدەل-پروفيلاكتيكالىق ءىس-شاراسى بارىسىندا سقو-دا 35 قىلمىس تىركەلگەن. ونىڭ ىشىندە – 21 فاكتى استىق ۇرلاۋ, 7 فاكتى جانار-جاعارماي ۇرلاۋ, 4 فاكتى اۋىلشارۋاشىلىق تەحنيكاسىنىڭ قوسالقى بولشەكتەرىن ۇرلاۋ, 3 فاكتى گەربيتسيد ۇرلاۋ. 35 قىلمىستىڭ 32-ءسى ء«ىزى سۋىماي» اشىلعان. كوبىنە ۇرلىقتى استىق ناۋقانىنا جۇمىلدىرىلعان كاسىپورىندار مەن شارۋشىلىقتاردىڭ جۇمىسشىلاردىڭ وزدەرى جاساعان.
استىق جيناۋ ناۋقانى اياقتالدى. ۋچاسكەلىك پوليتسيا ينسپەكتورلارى شارۋاشىلىقتار مەن كاسىپورىندارعا بارىپ, باسشىلارىنا قويمالاردىڭ ءتيىستى دەڭگەيدە كۇزەتىلۋىن ۇيىمداستىرۋ قاجەتتىگى تۋرالى ەسكەرتۋدە, سونداي-اق بەينە باقىلاۋ كامەرالارىن بارىنشا پايدالانۋعا كەڭەس بەرەدى.